Niha meydana şerê van herdu hêwirzeyên êrîşkar (muariz) mesafeyeke dirêj ya ji serê minareyê hetanî binê bîrê ye. Cemaeta ehlê nûrê ku Hizbullah jê re tê gotin, nîşanî wan kesên ku nezera wan bilind e dike ku ew zatê muezin li ser minareyê ye. Û ji bo her yekî ji wan yên nezera wan dernakevin wê dereceyê û nezer-kurt in re, li gorî dereceya wan wî muezinê mezin li ser pêpelokekê nîşan didin. Nîşaneyeke (elamet) hindik ji wan re bes e û îsbat dike ku: Ew zat ne cismeke bêgiyan (camid) ê mîna kevir e, bê guman însanekî kamil e ku dema bixwaze derdikeve jor, dixuye, bang dide. Lêbelê hêwirzeya din ya jê re hîzbuşşeytan tê gotin hukmeke bi vî hawî ehmeqane didin û dibêjin ku: “Yan li ser serê minareyê nîşanî her kesî bidin yan jî cihê wî binê bîrê ye.” Ji ehmeqbûna xwe nizanin ku ji ber ku nezera her kesî nikare derkeve wê derê loma wî li ser serê minareyê nîşanî her kesî nadin. Hem herwekî muxaleteyê bikin, ji bilî serê minareyê ew dixwazin her derî bi dest xwe ve bînin/zeft bikin
Vaye ji bo ku vê gengeşiya di navbera wan herdu cemaetan de ye çareser bike yek derdikeve ji wê hizbuşşeytanê re dibêje: “Ey xirtola (gurûh) a bêqidoş (menhûs) eger cihê wî muezinê mezin binê bîrê be; pêwist e mîna kevirî bê giyan, bê jiyan û bê hêz be. Û yê di pêpelokên bîrê de û di dereceyên minareyê de xuya dike pêwist e ne ew be. Madem hûn wusa dibînin helbet dê ew ne bê hêz û bê heqîqet û bê giyan be. Serê minareyê dê cihê wî be. Nexwe, yan hûn ê wî di binê bîrê de nîşan bidin –ku ji tu aliyan ve hûn nikarin vûya nîşan bidin û hûn nikarin mayina wî ya li wir li tu kesî bidin guhdarîkirin- yan jî xwe kerr bikin! Qada berevaniya we binê bîrê ye. Qada din û mesafeya dirêj jî qada vê cemaeta bimbarik e; ji bilî binê bîrê wî zatî li kuderê nîşan bidin di dozê de bi ser dikevin.
Vaye mîna vê nimanê, mijara gengeşiya şeytên qonaxeke dirêj ya ji erdê hetanî ezmanan ji destê hîzbûşşeytên derdixe, hîzbûşşeytanî bêgav dihêle, zora wê dibe. Cihê herî nemaqûl, herî negengaz û herî menfûr ji wan re dihêle. Wan dixe kuneke herî teng û ya wusa ku tu kes nekare têkeve tê de, hemû qonaxê/mesafeyê li ser navê Qur’anê bi dest xwe ve tîne.
Eger ji wan re were gotin: “Qur’an çawa ye?” Dibêjin: “Kitêbeke mirovan a spehî û waneya/dersa exlaqî dide ye.” Wê demê ji wan re tê gotin:
