Vaye heçîke dijmiayiya wan hem’olan e; ji ber vê yekê Îslamiyetê eciz dike, Qur’anê eciz dike. Heçîke dijminahiya Îslamiyet û Qur’anê ye, ji aliyekê ve dijminayiya jiyana dinya û axreta hemû hemwelatiyan e. Ku mirov kirina xizmeta jiyana civakî ya li ser navê dilmeziniyê (hemiyet) herdu jiyanan hilweşîne, ev ne dilmezinî ye, ehmeqî ye!

   Meseleya Çaran: Neteweyiya erênî ji hewceyiya hundirîn ya jiyana civakî tê; sedema, piştgirî û mildanheviyê ye; hêzeke kêrdan dabîn dike; dibe wesiteyeke welê ye ku biratiya Îslamê zêdetir teyîd dike.

   Pêwist e, ev ramana neteweyiyê ji Îslamiyetê re bûbe xizmetkar, bûbe keleh, bûbe zirx.. nekeve dewsa wê de. Ji ber ku di nav wê biratiya ku Îslamiyet dide de hezar biratî hene; di alema beqayê de û di alema berzexê de ew biratî baqî dimîne. Ji ber wê çendê biratiya neteweyî çiqas jî bihêz be dibe ku jê re bikeve şûna perdeyekê. An na, ku ew li dewsa wê were danîn cînayeteke wusa ehmeqane ye ku, herwekî mirov kevirên wê kelehê li dewsa gencîneya elmasan ya di di nava kelehê de deyne û wan elmasan bavêje derve.

   Vaye, ey zaroyên vî welatî yên ku hûn ehlê Qur’anê ne! Ne ku ev şeşsed sal in, bêguman ji dewra Ebasiyan û vir de ye ku hezar sal in, wek beyreqdarê Qur’ana hekîm we ji hemû cîhanê re meydan xwestiye û Qur’an îlan kiriye. We neteweya xwe ji Qur’an û Îslamiyetê re kiriye keleh. We hemû dinya daye sekinandin, we êrîşên felaket qewirandine, ta ku hûn bûne masedeqeke (ya hatiye tesdîqkirin) xweş ya ayeta

يَاْتِى اللّٰهُ بِقَوْمٍ يُحِبُّهُمْ وَيُحِبُّونَهُ اَذِلَّةٍ عَلَى الْمُؤْمِنِينَ اَعِزَّةٍ عَلَى الْكَافِرِينَ يُجَاهِدُونَ فِى سَبِيلِ اللّٰهِ