Welhasil: Di Îşaretê Sêzdehê ya Nameya Nozdehê de jî hatiye gotin ku, wek çawa çîna ewamê ya biguh di fêmkirina î’caza Qur’anê de gotiye: “Eger Qur’an bi wan kitêbên ku min li wan guhdarî kirine û bi yên ku di dinyayê de ne were qiyaskirin, naşibe yek ji wan û ne di dereceya wan de ye.” Nexwe, Qur’an yan di bin hemûyan re ye, yan jî dereceyeke wê ya bi ser wan hemûya re heye. Heçîke vebijarka (şiqa) ku di bin hemûyan re ye hem ne gengaz (muhal) e hem tu dijmin, heta Şeytan jî nikare bibêje û qebûl nake. Nexwe Qur’an di ser hemû kitêban re ye; nexwe mû’cîze ye.

   Eynen welê jî em ê jî li gorî ilmê usûlê û li gorî hûceta qet’î ya ku di fena mentiqê de sebr û teqsîm jê re tê gotin bibêjin:

   “Ey Şeytan û ey şagirtên Şeytên! Qur’an yan kelameke Xwedê ya ji Erşê Ezîm û ji Îsmê Ezîm hatiye ye yan jî haşa, summe haşa, sedhezar carî haşa sextekariya mirovekî ji Xwedê natirse, Xwedê nas nake û bêîtîqat yê li ser rûyê erdê ye. Heçîke eva hanê ye, ey Şeytan, li gorî delîlên derbasbûyî tu nikarî bibêjî, te nedikariya bigota û tu dê nekaribî bibêjî. Nexwe bi mecbûrî û bê guman Qur’an kelamê Xwedê ye. Lewra nîveka wê tune ye û ne gengaz e û qet nabe. Wek çawa me bi awayekî qe’î îsbat kir; te jî dît û te guhdarî kir.

   Hem Muhemmed Eleyhîsselatû Wesselam yan Resûlullah e û kamiltirînê hemû pêxemberan e û efdelê aferîdeyan e; yan jî haşa, sedhezar carî haşa divê were ferzkirin ^(Haşiye)  ku  ew mirovekî yê neweyî li Xwedê kirî,  yê Xwedê nasnekirî, yê baweriya wî bi ezabê wî neyî û ji ber vê çendê bêîtîqat û ketiyî esfelê safilînê de ye. Heçîke eva hanê ye ey Îblîs ne tu ne jî ew feylesofê Ewrope û munafiqên Asyayê yên tu pişta xwe bi wan ve girêdidî nikarîn bibêjîn û hewe nekariye hûn bibêjin û hûn ê nekaribin bibêjin, hewe negotiye û hûn nabêjin. Lewra yê li vê vebijêrkê guhdarî ke û qebûl bike di dinyayê de tune ye. Ji ber wê çendê ye ku ew feylesofên herî îfsatker û ew munafiqên herî bêwijdan yên tu pişta xwe bi wan ve girêdidî jî dibêjin ku: