Nexwe, divê di destê Wî de were qebûlkirin û welê li delîlên îsbatê were nihêrîn. Eger aliyê din hemû wan delîlên ku ew kelamê Xwedê ye yek bi yek pûç bike, wê demê dikare destê xwe dirêjî wê bike; an na nikare destê xwe dirêjî wê bike. Çi heyf! Kîjan dest dikare wê niqêma (pirlente) pir mezin a ku bi hezaran bizmarên delîlên qet’î bi Erşê E’zem ve hatî kirin jê veke, wan stûnan bibire û biêxe?

   Va ye ey Şeytan! Digel (vê doza) te jî, mirovên ehlê heqiyê û yên xwedî-însaf bi muhakemeyeke bi heqîqet muhakeme dikin. Heta, di delîla herî biçûk de jî îmana xwe ya di hemberî Qur’anê de zêde dikin. Lêbelê, heçîke ew rêya ku tu û şagirtên te nîşan dide:

   A rast, eger were ferzkirin ku ew gotina mirovan (kelamê  beşer e) ango ew niqêma pir mezin bê avêtin erdê, wê demê delîlek bi tenê ya di hêza hemû bizmaran de û tirûşiya (metaneta) gelek delîlan de pêwist e ku wê ji erdê rake û bi Erşê manewî ve bike. Ta ku ji tarîtiyên kufrê rizgar bûbe û bigihîje nûrên îmanê. Hal bi hal serkeftina di vê (çendê) de pir zor e. Ji ber wê çendê, vî zemanî bi hîleya te, di bin navê ‘muhakemeya bêalî’ de îmana gelekan ji destê wan derketiye.”

   Şeytan fitilî û got:

   Qur’an dişibe gotina mirovî (kelamê beşer); di awayê axaftina wan de ye. Nexwe kelamê beşer e. Eger kelamê Xwedê be, wê layiqî Wî be, wê ji her aliyan ve bê hempa be. Wek çawa sen’etê Wî naşibe sen’etê mirovan, divê kelamê Wî jî neşibe yê mirovan.”

   Min weke bersiv got ku:

   Wek çawa ji bilî mû’cîze û wesfên Wî hemû kiryar û rewş û helwestên Pêxemberê me (e.s.w) di (çarçoweya) beşeretiyetê de maye û Wî wek însanekî serî ji adeta îlahî û ji karên der barê afirandinê (ewamîrê tekwînî) re tewandiye û îtaetî wan (qanûnan) kiriye. Ew jî dicemidî û diêşiya û her wekî wê…Ji hemû rewş û helwestên Wî re weziyeteke xarîqûl’ade nehatiye dayîn; ta ku bi kiryarên xwe ji umeta xwe re bûbe îmam û bi helwestên xwe bûbe rêber û bi hemû tevgerên xwe waneyê bide. Eger di hemû helwestên Wî de xarîqûl’ade hebûya, nedikariya ji hemû aliyan ve bibûya pêşewa (îmam), nedikariya ji her kesî re bibûya murşîdê mutleq, nedikariya bi hemû