Wek çawa Roj bi wesiteya neynika di destê me de ye gelek nêzî me ye û her tişta zîlal/şefaf ya li ser rûyê erdê ye jê re dibe wek textekî û wek cihekî. Eger Roj hişmend bûya dê bi wê neynika di destê me de ye bi me ra biaxafta. Bes, em çar hezar salan jê dûr in. Teşbîh û temsîl tê de nebe (bîla teşbîh wela temsîl) Şemsê Ezelî ji her tiştî nêzîktirê her tiştî ye. Lewra Wacib-ûl Wicûd e, ji mekanî mûnezeh e. Tu tişt nikare jê re bûbe perde. Bes her tişt heta tu bibêjî jê dûr e.
Vaye, bi mesafeya dûr ya Mî’racê, bi raza bêmesafeya ku
وَنَحْنُ اَقْرَبُ اِلَيْهِ مِنْ حَبْلِ الْوَرِيدِ
îfade dike, hem di çûna Resûle Ekrem Eleyhîsselatû Wesselam de, hem raza ku gelek qonax/mesafe qevaztî û çûyî û di kêliyekê de hatî cihê xwe ji vê tê. Mî’raca Resûl Ekrem Eleyhîsselatû Wesselam seyr û silûka Wî ye, inwana welîbûna Wî ye. Wek çawa ehlê welayetê bi seyr û silûka rûhanî, bi tereqiyeke ji çil rojan hetanî çil salan (niha) digihîjin dereceya heqqelyeqîn ya dereceyên îmanê. Eynen welê jî Resûl Ekrem Eleyhîsselatû Wesselam ku sultanê hemû weliyan e, neku bi dil û giyanê xwe bi tenê, teqez hem bi cîsimê xwe, hem bi hestên xwe, hem bi letaîfên xwe, di çil xulekên ku teqabilî çil salan dike de, bi Mî’raca xwe ya ku kerameta mezin ya welîbûna Wî ye şahrêyeke gewre vekiriye û hilketiye mertebeyên herî bilind yên heqîqetên îmanê, bi sêlma Mî’racê derketiye ser Erş, di meqamê “Qabê Qewseyn” de Îmana bi Xwedê û Îmana bi Axretê ku heqîqetên îmanê yên herî mezin in bi çavê xwe dîtiye, çûye Bihiştê, bextewariya ebedî dîtiye, ew şahrêya mezin ya ku wî bi deriyê Mî’racê vekirîbû, vekirî hiştiye.. hemû weliyên ometê bi seyr û silûkê, li gorî derceyên xwe, bi awayekî rûhanî û qelbî, di nav siha wê Mî’racê de diçin.
NÛKTEYA PÊNCAN: Xwendina Mewlîda Nebewî û Mî’raciyeyê adeteke gelek bifeyde û spehî ye û adeteke Îslamî ya ‘spehî hatî dîtin’ (mustehsen) e. Teqez, sebeba sohbeteke gelek xweş û geş û şêrîn ya jiyana komelî ya Îslamî ye. Teqez, ji boyî hişyariya heqîqetên îmanê waneyeka herî xweş û herî şêrîn e. Teqez, ji bo destnîşankirina enwara îmanê, muhabbetullahê û eşqa Nebewî wesiteyeka herî peroşîner (mûheyyîc) û herî bandordar e.
