Va ye, di her yek ji wan pênc wêchên navborî yên di nav wan hebandiyên bêhed û hisab de meqamê herî bilind mexsûsî Muhemmedê Erebî ye ku bernavka/leqeba “Hebîbullah” jê re hatiye dayîn.
Vaye, Sûleyman Efendî ev meqama mehbûbiyetê ya bilind bi gotina “Ez li te bûme evîndar” beyan kiriye. Ev gotin nêrîngeheke tefekkurê ye, ji gelek dûr ve îşaretî vê heqîqetê dike. Digel vê çendê, madem ev gotin hin wateyên ku bo şe’nê rubûbiyetê ne guncan e tîne xeyalê, (nexwe) ya baş ew e ku li dewsa vê gotinê divê holê bê gotin: “Ez ji te razî bûme.”
NUKTEYA SISÊYAN: Serpêhatiyên di mî’raciyeyê de bi wan wateyên ku em dizanin wan heqîqetên pîrozwer û paqij îfade nakin. Teqez her yek ji wan pevreaxaftin ûnwaneke mûlahezeyê (nav û wesiteya ku ji boyî hizirandina tiştekî) ne, nêrîngeheke tefekkurê ne û bo heqîqetên bilind û kûr îşaretek in û bo heqîqetên beşeke îmanê hişyariyek in û (dîsa her yek ji wan) bo hinek wateyên ku ne qabilê gotinê ne kînayeyek in. Yan jî ne ku serpêhatiyeke ya bi wan gotinên ku malûmî me ne. Em bi xeyala xwe nikarin wan heqîqetan ji wan pevreaxaftinan derxînin; a rast em dikarin bi dilê xwe zewqeke îmanî ya bikelecan û xweşiyeke giyanî ya nûranî bistînin. Lewra wek çawa di zat û sifetên Cenabê Heq de manend, şebîh û misil nînin; eynen welê jî di şuûnata rubûbiyeta Wî de manend nînin. Wek çawa sifetê Wî naşibe sifetê aferîdeyan, hezkirina Wî jî naşibe ya wan. Nexwe, em ê van gotinana ji cûreyên mûteşabîhata bigrin (qebûl bikin) û bibêjin ku: Hin şuûnatê Zatê Wacîb-ûl Wicûd yên mîna hezkirinê yên di şêweyê minasibî wicûba wicûd û qudsiyeta Wî û di awayê muwafiqî îstîxnaya zatê Wî û kemala mutleqa Wî hene ku bi serpêhatiya Mî’raciyeyê wan bi bîr dixe. Peyva Sih û Ewil ya di der barê Mî’raca Nebewî de rastiyên Mî’raciyeyê di daîreya usûla îmanê de rave kiriye. Em wêya bes dibînin û li vir kurt dikin.
NÛKTEYA ÇARAN: Gotina ku “Li pişt heftî hezar perdeyan de Cenabê Heq dîtiye” dûrbûna mekanî îfade dike. Hal bi hal Wacibulwicûda ji mekanî mûnezeh e, ji her tiştî nêzîktirê her tiştî ye. Wateya vê çi ye?
Bersiv: Di Peyva Sih û Yekê de bikitekit û bi delîlan ew heqîqet hatiye beyan kirin. Bes em li vir dikarin vî qasî bibêjin ku:
Cenabê Heq gelek nêzî me ye, em gelek û gelek jê dûr in.
