Wî nîşan dide hez dike; helbet ji spehîtiyên wan aferîdeyên xwe yên ku îşaretî cemal û kemala navên Wî dikin hez dike. Qur’ana Hekîm bi ayetên xwe îşaretî van pênc texlîtên hezkirinan dike.
Vaye madem Resûlê Ekrem Eleyhîsselatû Wesselam di nav mesnûan de ferdekî herî mukemmel e û di nav aferîdeyan de kesayetiyeteke herî bijarte ye. Hem sen’etê îlahî bi welweleyeke zikr û tesbîhê teşhîr dike, diecibîne. Hem gencîneyên cemal û kemalê yên di Esmayê îlahî de ne bi zimanê Qur’anê vekiriye. Hem bi zimanê Qur’anê bi awayekî geş û qet’î beyan dike ka ayetên afirandinê (ayatên tekwînî) çawa dibe delîlên kemala Sani’î. Hem bi perestiya xwe ya tevayî (kullî) ji rubûbiyeta îlahî re neynikdariyê dike. Hem bi camîiyeta mahiyeta xwe bi awayekî tam û bêqusûr gihîştiye hemû navên Xwedê. Helbet ji ber van hemûyan dikare were gotin ku: Cemîlê Zulcelal, bi hezjêkirina cemala xwe, ji Muhemmedê Erebiyê ku neynika hişmend ya wê cemalê ye hez dike.
Hem bi hezjêkirina navên (esma) xwe, ji Muhemmedê Erebî Eleyhîsselatû Wesselam yê ku neynika herî geş ya wan navan e hez dike û li gorî dereceya xwe ji yên dişibin Muhemmedê Erebî Eleyhîsselatû Wesselam jî hez dike.
Hem ji ber ku ji sen’etê xwe hez dike, helbet dê ji Muhemmedê Erebî Eleyhîsselatû Wesselam û ji yên bûyîn peyrewê Wî jî hez bike; lewra Muhemmedê Erebî Eleyhîsselatû Wesselam sen’etê Wî bi dengekî bilind li tevahiya gerdûnê belav kiriye û guhê asîmanan çingandiye û bi welweleya zikr û tesbîheke welê îlan kiriye ku bej û deryayê bîne cezbeyê.
Hem ji ber ku ji mesnû’ên xwe hez dike, helbet dê ji candarê ku herî mukemmel yê wan mesnû’an e û dê ji hişmendê ku herî mukemmel yê wî candarî ye û dê ji însanî ku yê herî bifezîlet yê wî hişmendî ye û dê ji Muhemmedê Erebî Eleyhîsselatû Wesselam ê ku bi îtîfaq însanê herî mukemmel e zêde hez bike.
Hem ji ber ku ji exlaqê xweş yê aferîdeyên xwe hez dike, ji Muhemmedê Erebî Eleyhîsselatû Wesselam ku di exlaqê xweş de bi îtîfaqî di dereceyeke bilind de ye hez dike û li gorî dereceya xwe ji yên dişibin wî jî hez dike. Nexwe, wek çawa dilovaniya Cenabê Heq gerdûn dorpêç kiriye, (eynen welê) hezkirina Wî jî gerdûn dorpêç kiriye.
