Wek çawa di Çiqila Çarê ya Peyva Bîst û Çarê de hatiye beyankirin: Wek çawa dasîtaneya eşqa bilbilî ya di hemberî gulê de.. îhtiyacên zêde yên eşqê nîşan didin yên taîfeya heywanan bo taîfeya riwekan.. (bilbil da ku wê eşqa xwe) di hemberî qafîleya riwekan ya erzaqa heywanan hildigrin û ji gencîneya rehmetê tên îlan bikin, wek xetîbekî rebbanî.. di serî bilbil û gul, ji her çeşîdî bilbilek hatiye hilbijartin û nexmeyên wan jî li ser serê riwekên herî bedew de çeşîdekî ‘pêşwazîkirina bixêr’ û spehî ye, çepiklêxistinek e.
Eynen wusa: Wek çawa Cenabê Cebraîl Eleyhisselam ku ji çeşîdê ferîşteyan e, di hemberî Zatê Muhemmedê Erebî yê ku sedema afirandina felekan e, wesîleya bextewariya herdu dinyayan e û Hebîbê Rebb-ûl Alemîn e de, bi muhebeteke zêde xizmetê dike; serîjêretewandin û îtaet û raza sicûdê ya ferîşteyan ya bo Cenabê Adem destnîşan dike; eynen welê, pêwendiya ehlê Bihiştê, heta beşa heywanên Bihiştê ya di hemberî wî zatî de, bi hestên evînane ya Buraqa ku lê suwar bûyî hatiye îfadekirin.
NUKTEYA DUDUYAN: Serpêhatiyek ji yên di Mî’raca Nebewî de: Hezkirina mûnezzeh ya Cenabê Heq ya di hemberî Resûlê Ekrem Eleyhîsselatû Wesselam de bi gotina “Ez bûme evîndarê te” hatiye îfadekirin. Ev îfadeyên hanê, li gorî gotina di nav xelkê de (manaya orfî) ne minasibî qudsîbûna Wacîb-ûl Wicûd e û ya îstîxnaya zatê wî ye. Madem mewlîda Sûleyman Efendî di nav xelkê de rexbet dîtiye, eva hanê dibe delîl ku ew zat weliye û ehlê heqîqetê ye, helbet wateya ku wî nîşan daye rast e. Wate jî eve ye ku:
Cemal û kemaleke bêhed û hisab ya Zatê Wacîb-ûl Wicûd heye. Lewra hemû texlîtên cemal û kemalê yên li beşên hemû gerdûnê hatine dabeşkirin emare û îşaret û ayetên cemal û kemala Wî ne. Vaye, her hal, wek çawa ew kesê ku xwediyê cemal û kemalê be, ew ji cemal û kemala xwe hez dike, ev tişteka aşkere ye; (eynen welê) Zatê Zulcelal jî ji cemala xwe gelek hez dike. Hem bi hezkirineke layiqî xwe hez dike. Hem ji navên (esma) xwe yên ku tîrêjên cemala Wî ne jî hez dike. Madem ji navên (esma) xwe hez dike, helbet ji sen’etê xwe yê ku cemala navên Wî nîşan dide hez dike. Nexwe, ji mesnûata xwe ya ku neynika cemal û kemala Wî ne jî hez dike. Madem ji ya ku cemal û kemala
