Cûreyê duduyan yê duayê: Bi zimanê îhtiyaca fitrî ye ku hemû candar ji bo ku hewceyî û daxwazên wan yên ku ne di hêza wan û ne di hilbijartina wan de ne, ji wê dera qet hêvî nakin de û di wê dema guncan de ji wan re bêt dayîn, ji Xaliqê Rehîm cûreyeke duayê dikin. Lewra, derveyî hêza wan û hilbijartina wan de, ji wê dera nizanin de, di wê dema guncan de Hekîmekî Rehîm ji wan re dişîne. Destê wan nagihîjiyê; nexwe, ew qencî encama duayê ye.
Welhasil, ya ji hemû gerdûnê diçe dergehê îlahî, duayek e. Yên sebep mûsebbebaté ji Xwedê dixwazin
Cûreyê sisêyan yê duayê: Duaya hişmendan ya di daîreya hewceyiyê de ye ku ev jî du beş in:
Eger ji bêgavîtiyê (iztirar) bêt yan jî têkiliya wê ya bi îhtiyaca fitrî re tam be yan jî nêzî zimanê îstîdadê bûbe yan jî safî, xalis û bi zimanê qelbî be, (wê demê) bi piranî tê qebûlkirin. Beşa mezin ya pêşdeçûnên mirovî (teraqqiyat-i beşer) û keşfên wan encama cûreke duayê ye. Ew tiştên ku ji wan re bêemsalên şaristaniyê tê gotin û ew karên ku zen dikin ku sebeba îftîxara keşfên wan in, encama duayeke manewî ye. Bi zimanekî îstîdadê ya xalis hatiye xwestin, ji wan re hatiye dayîn. Duayên bi zimanê îstîdadê û yên bi zimanê îhtiyaca fitrî jî eger asteng nebe û di nava mercan de be her tim tên qebûlkirin.
Beşa duduyan: Duaya meşhûr e. Ew jî du cur in. Yek ji wan kiryarî (fîîlî) ye, yek ji wan ya bigotin (qewlî) e. Wek mînak, cotkirin duayeke kiryarî ye. Rizqî ne ji axê (zanibe); teqez ax deriyekî gencîneya rehmetê ye ku bi haletî destê xwe li axa ku deriyê rehmetê ye, dide. Em ê xwe bi ser kitekita beşên din re biqevêzin, bes em ê yek-du razên duaya bigotinî du-sê nukteyan de bibêjin.
NUKTEYA DUDUYAN: Bandora duayê mezin e/gelek e. Xasma, eger dua bibe tevayî û dewam bike îhtîmala encamdayîna wê zêde ye, teqez daîmî ye. Heta dikare were gotin ku sedemeke afirandina alemê jî dua ye. Ango, piştî afirandina gerdûnê, di serî de duaya mezin ya benîademî û di serê wê de jî alema Îslam û di serê wê de Muhemmedê Erebî Eleyhîsselatû Wesselam sebebeke afirandina alemê ye. Ango: Xaliqê alemê zaniye ku ew zat di paşerojê de li ser navê benîademî, teqez li ser hesaba mewcûdatê dê bextewariyeke ebedî û gihîştina esmaê îlahî bixwaze; ew duaya ku wê niha bêtin qebûl kiriye, gerdûn afirandiye.
