Ehlê şaristaniyê ji bo ku beqayekê bidin weziyetên fanî û wana bo mirovên paşerojê diyarî bikin; wêneyê rewşên bedew û sosret digirin û bi perdeyên sînemayê bo paşerojê diyarî dikin, dema bihûrî di dema niha de û di paşerojê de nîşan didin û (wê demê) dixe (wan deman) de. Eynen mîna wê, Sani’ê Hekîm piştî ku di mewcûdata biharê û ya dinyayê de jiyaneke kurt da derbaskirin û mebestên wê yên aidê alema beqayê ne qeydî wê alemê kir, digel wê çendê, di alema ebedî de, di dîmenên sermedî de ew wezîfeyên jiyanê ku di şêweyên jiyana xwe de dîtîn û ew mucîzeyên subhanî dê di dîmenên sermedî de qeyt bike; eva hanê pêwistiya navê Hekîm, Rehîm û Wedûd e.
Îşareta Çaran: Fiqreya
وَرَابِعًا: مَعَ اِعْلاَنِ التَّسْبِيحَاتِ الرَّبَّانِيَّةِ وَاِظْهَارِ الْمُقْتَضَيَاتِ اْلاَسْمَۤائِيَّةِ
îfade dike ku; mewcûdat bi helwestên xwe yên jiyanê tesbîhatên rebbanî yê piretexlît dike. Hem rewşên ku esmaê îlahî pêwist dikin îşaret dike ku… Wek mînak navê Rehîm dixwaze şefqetê bike, navê Rezzaq dana rizqî pêwist dike, navê Letîf dixwaze keremê bike û herwekî wê her navekî pêwistiyeka wî heye. Vaye her candarek bi jiyana xwe û bi wicûda xwe pêwistiya vî esmayî nîşan didin, digel wê çendê bi qasî hejmara cîhazên xwe tesbîhata Sani’ê Hekîm dikin. Mesela: Wek çawa mirovek fêkiyên xweş dixwe, ew fêkî di mîdeya wî de belav dibin, dihelin, li gorî ku xuya dike tune dibin; bes ji bilî devê wî û mîdeya wî di hemû şanikokên bedenê de zewq û lezzeteke fealiyetkarane didin; digel wê çendê dibe sebeba wicûda gelek hikmetên mîna xwedîkirina wicûda her aliyên bedenê û jiyanê. Ew xwarin bi xwe jî ji wicûda riwekî (nebatî) derbasî qata jiyana mirovî dibe, bi pêş ve diçe, (dikeve tereqiyê.) Eynen mîna wê jî: Ev mewcûdat dema di perdeya zewalê de hat veşartin, li cihê her yek ji wan de gelek tesbîhat baqî dimînin; digel wê çendê gelek nexş û pêwistîkerên (meqteziyat) esmaên îlahî jî dixin destê wî îsmê. Ango, didin wicûdeke baqî, welê diçin. Gelo, wicûdeke fanî û demdemî biçe û li şûna wê bi hezaran wicûdên welê bimînin ku ew beqayê bibînin, ma qey dibe were gotin ku xebîneta wî, yan jî ew ebes bû yan jî ev aferîdeya xweşik çima çû.. dibe ku gilî were kirin? Teqez, der heqê wê de rehmet, hikmet û muhebbetê welê pêwist kirin û lazim e wusa bin. Yan na, ji bo ku zerarek neyê, pêwist dike ku mirov hezaran menfeetan
