(terzên) jiyana xwe îfade kirî dide xwendin paşê diçe. Eynen welê jî, demsala biharê ku di guldanka dinyayê de bi mesnûatên bedew hatiye nexşkirin kulîlkek e; li gorî ku dixuye zewala wê tê û tune dibe (diçe edemê), bes heqîqetên xeybî yên ku wê bi qasî hejmara tovên xwe îfade kirine û nasnameyên mîsalî yên ku wê bi qasî hejmara kulîlkên xwe belav kirine û hikmeta rebbanî ya ku wê bi qasî hejmara mewcûdatê nîşan dane dihêle û li ber me têt veşartin. Hem ji hin biharên din ku hevalên wê bihara çûyîne re rê vala dike, ta ku wana jî werin wezîfeyên xwe destnîşan bikin. Nexwe, ew bihar wicûdeke zahirî ji xwe dike; ji aliyê maneyê ve hezar wicûdan li xwe dike.  

   Îşareta Sisêyê: Fiqreya

وَثَالِثًا: مَعَ نَشْرِ الثَّمَرَاتِ اْلاُخْرَوِيَّةِ وَالْمَنَاظِرِ السَّرْمَدِيَّةِ

îfade dike ku dinya dezgehek e û zeviyek e. Berên (mehsûlên) ku layiqî sûka axretê ne hildiberîne.  Me di gelek Peyvan de îsbat kiriye: Wek çawa emelên cin û însanan tê şiyandin bo sûka axretê. Eynen welê jî, mewcûdatê din yê dinyayê jî li ser navê axretê gelek wezîfeyan dibînin û gelek mehsûlatê hildiberînin. Teqez dinya ji bo wan digere; a rast dikare were gotin ku “ji boyî wan e.” Ev keştiya rebbanî di salekê da mesafeya (qonaxa) bîst û çar hezar salan diçe û li hawîrdora meydana heşrê digere. Wek mînak, helbet ehlê bihiştê dixwazin ku serpêhatiyên xwe yên dinyayê bi bîr bînin û bi hev re parve bikin; Teqez gelek meraq dikin ku lewhe û mîsalên wan serpêhatiyan dikin dîtina wan lewheyan û wan bûyeran mîna dîtina perdeya sînemayê gelek xweş in. Madem welê ye, li gorî îşareta

عَلٰى سُرُرٍ مُتَقَابِلِينَ

 ê di wê bihişta ku cihê lezzetê ye û diyarê bexwtewariyê ye de teqez dê axaftina serpêhatiyên dinyayê û dîmenên bûyeran yên dinyayê yên di menzereyên daîmî de hebin. Vaye, ev mewcûdata bedew kêliyekê dixuye û pey ra wenda dibe û li pey hev û din tên û diçin; eva han ji boyî çêkirina dîmenên sermedî ne ku di hukmê dezgehên kargehekê de ne. Wek mînak: