Hem ew Sani’ê Qedîr bi kîjan qanûna hikmetê mêşekê vedijîne, bi heman qanûnê, di her biharê de vê dara çinarê ya di pêşberî me de ye vedijîne û bi heman qanûnê dinyayê dîsa di wê biharê de vedijîne û bi heman qanûnê aferîdeyan di heşrê de vedijîne. Qur’an îşaretî vê razê dike û “

مَا خَلْقُكُمْ وَلاَ بَعْثُكُمْ اِلاَّ كَنَفْسٍ وَاحِدَةٍ

    ferman dike… Û wekî wê… qiyas bike.

   Mîna vana gelek qanûnên rubûbiyetê hene  ku ji zereyê hetanî dinyayê hemûyê cereyan dike. Vaye li mezinayiya van qanûnên fealiyeta rubûbiyetê binêre û bala xwe bide ser firehbûna wê û raza wehdetê ya di nav de ye bibîne; zanibe ku her qanûn bûrhaneke wehdetê ye. Belê, her yek ji van qanûnên gelek zêde û gelek mezin cîlweyeka ilim û îradeyê ye; digel vê çendê ji ber ku hem wahid û hem mûhît e; wehdaniyeta Sani’î û ilm û îradeya wî bi awayekî gelek qet’î îsbat dikin.

   Vaye pirtirînê temsîlên di ekser Peyvan de serê van qanûnan bi mîsaleke cuz’î nîşan dide; digel wê çendê, di mûddeayê (ya têt angaştkirinê) de îşaretî heyîna heman qanûnê dike. Madem bi mînakdayînê (temsîlê) teheqqûqa qanûnê têt nîşandan, mîna burhana mentiqî mûddeayê îsbat dike. Nexwe pirtirînê mînakên di Peyvan de ne her yek ji wan di hukmê bûrhaneke yeqînî û hucceta qati’ de ne.

   Beşa Duduyan: Wek çawa di Heqîqeta Dehê ya Peyva Dehê de hatiye gotin, çiqas mêwe û kulîlkên darekê hene; her mêweyekê, her kulîlkekê ew qas mebest û hikmetên wê hene. Û ew hikmet sê beş in.

   Beşek li Sani’î dinêre, nexşên navên (esma) Wî nîşan didin.

   Beşek jî li hişmendan dinêre ku li ber çavê wan nameyên qedirbilind û peyvên watedar in.

   Beşek li xwe bi xwe, li jiyana xwe û li beqaya xwe dinêre û eger ji mirovan re fêdedar be, hikmetên wê yên li gorî berjewendiya mirovî hene.