MEQAMA DUDUYAN

   Destpêkek û pênc îşaret in. Destpêk du beş in.

   Beşa Ewil: Di van pênc îşaretên werin de ji bo ku şuûnata rubûbiyetê bêt çavnêrkirin hin temsîlên mîna dûrbînên zelûl û biçûk dê bêne nivîsandin. Ev temsîlana heqîqeta rubûbiyetê nagire, nikare dorpêç bike, jê re nabin pîvan (mîqyas), bes dikare bide nêrihandin. Ew gotinên ku ji şuûnatê Zatê Eqdes re ne mûnasib yên di temsîlên bêne de derbas bibin û yên di remzên borî de derbas bûyîn aidê qisûra temsîlê ne.

   Wek mînak: Wateyên ku ji aliyê me ve tên zanîn yên lezzet û kêf û memnûnbûnê nikarin şuûnatê muqedesî îfade bikin; bes her yek ji wan unwaneke mulahezeyê (ango ew nav û wesîteya ku ji bo hizirkirina heqîqeta tiştekî) ye û lênihêrîneke tefekkûrê ye. Hem dîsa ev temsîl serê qanûneke rubûbiyetê ya dorpêçker (muhît) û mezin di mînakeke biçûk de nîşan dide; (û bi vî hawî) di şuûnatê rubûbiyetê de heqîqeta wê qanûnê îsbat dike. Wek mînak, hatiye gotin ku kulîlkeke ji wicûdê derdikeve, (lêbelê) hezaran wicûdan dihêle, welê derdikeve. Qanûneke rubûbiyetê bi wê destnîşan dike ku di biharê hemûyê, teqez di mewcûdata hemû dinyayê de ev Qanûna rubûbiyetê çêdibe, diqewime.

   Belê Xaliqê Rehîm kincê bipirç yê çûkekê bi kîjan qanûnê diguherîne û nû dike; ew Sani’ê Hekîm her sal bi heman qanûnê kincê rûyê dinyayê nû dike. Hem her sedsalê bi heman qanûnê, şeklê dinyayê diguherîne. Hem di dema qiyametê de bi heman qanûnê sûretê gerdûnê diguherîne.

   Hem bi kîjan qanûnê şanik/hucreyek mîna mewlewiyê dabe hereketkirin, bi heman qanûnê Dinyayê mîna wî mewlewiyê meczûb yê rabûyî semaê digerîne û bi heman qanûnê aleman dizivirîne û sîstema rojê digerîne.

   Hem bi kîjan qanûnê wan zereyên şanikokan yên di bedena te de ne nû dike, tamîr dike, tehlîl dike; bi heman qanûnê her sal rezê te nû dike û di her demsalê de gelek caran nû dike. Di her demsala biharê da rûyê te bi heman qanûnê nû dike, poşiyeka nû dikişîne ser.