Kitaplar
Mektûbat

û elemên veqetan û zewalê her mewcûdî dorpêç dike. Dinya li ber çavê wî merivî di awayê dereke tenêtiyê (wehşetgeh) ya vala û xewle xuya dike.” Belê wek çawa her mêweyeka darê bi hemû mêweyên din yên bi serê darê ve re pêwendiyeke wê heye û bi wê pêwendiyê her yek ji wan birayekî wê û hevalekî wê heye, bi qasî hejmara wan wicûdên demdemî hene. Kengê ew mêwe ji serê darê vebe wê demê veqetanek û zewalek di hemberî her mêweyekê de çêdibe. Her mêweyek ji bo wê di şûna madûmî de ye. Tarîtiyeke edemê ya derveyî lê peyda dibe. Eynen welê, ji aliyê girêdana bi Qudreta Ehedê Semed ve ji her tiştî re hemû tişt hene. Eger ew girêdan nebe, ji her tiştî re bi qasî hejmara tiştan edemên derveyî hene. Va ye, ji vê remzê li mezinahiya nûrên îmanê binêre û tarîtiyên bi dehşet yên delaletê bibîne. Nexwe, ya di vê remzê de hatiye beyankirin unwana heqîqeta bilind a eslê îşî ye û bi îmanê dikare sûde jê were wergirtin. Eger îman nebe; weke çawa ji wî merivê kor, kerr, lal û bêaqil re her tişt madûm e; eynen welê jî eger îman nebe, her tişt madûm e, reş û tarî ye.

   Nukteya Duduyan:  Sê rûyên dinyayê û tiştan hene:

   Rûyê Ewil: Li navên Xwedê (Esmayê îlahî) dinêre, neynikên wê ne. Zewal û veqetan û edem nikarin bikevin nav vî rûyî, belkî nûbûn heye.

   Rûyê Duduyan: Li axretê dinêre, çavê wê li alema beqayê ye, li şûna şova wê ye. Dî vî rûyî de gihandina mêweyên baqî hene, ji beqayê re xizmetê dike, tiştên fanî dike baqî, di vî rûyî de jî neku cîlweyên mirin û zewalê, teqez cîlweyên jiyan û beqayê hene.

   Rûyê Sisêyan: Li faniyan, ango li me dinêre ku, dilketiya faniyan û ehlê hewesatê ye û cihê bazirganiya hişmendan e û meydana îmtîhana erkedaran e. Da ku ji bo êş û birînên fena û zewal, mirin û edemên vî rûyê sêyê bibe melhem, cîlweyên beqa û jiyanê yên di naveroka wî rûyê sisêyê de hene.

   Bi kurtasî: Ev mewcûdata ku diherike, ev aferîdeyên gerok, neynikên ku hereket dikin û mezherên tên guherîn yên Wacîb-ûl Wicûd in da nûrên îcadê û wicûdê nû bikin.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599
Fihrist
Lügat