Kitaplar
Mektûbat

Wek tê zanîn mirov, bi aliyê mirovbûna xwe ve bi pirtirînê mewcûdatê re pêwendîdar e. Bi bextewariya wan mûtelezziz, bi helakbûna wan elemdar dibe. Xasma, bi elemên candaran, taybet bi yên mirovan, nexasim bi yên hezkerên xwe û bi yên kesên ecibandî û bi yên ehlê kemalê zêdetir elemdar dibe û bi bextewariya wan zêdetir bextewar dibe. Heta mîna dayikeke dilovan bextewariya xwe û rehetiya xwe goriyî bextewariya wan dike. Va ye dibe ku her bawermendek li gorî dereceya xwe, bi nûra Qur’anê û bi raza îmanê, bi bextewariya hemû mewcûdatê, bi beqaya wan, bi rizgarbûna wan ya ji tuneyiyê û seba wê çendê ku ew nameyên rebbanî ne bextewar bibin û dibe ku bi qasî dinyayê nûrê bi dest bixin. Her kes li gorî dereceya xwe ji vê nûrê sûdê werdigre. Eger ehlê delaletê be, digel elema xwe, bi helakbûna hemû mewcûdatê û bi fenaya wê û bi îdama wan ya zahirî, eger candar be bi elemên wan elemdar dibe. Ango kufra wî, dinyaya wî tijî edem dike, li ser serê wî vala dike, hêj neçûyî dozexê diçe dozexê.

   Remza Çaran: Wek çawa me di gelek deran de gotiye, padîşahekî ku hin daîreyên teşkîlata wî yên cihê cihê yên muxtelîf hene ku ew jî ûnwan û sifetên wî yên muxtelîf yên wek sultan, xelîfe û fermandar tên. Eynen mîna wê, tecelliyatên cûr be cûr yên bêhed û hesab yên esmayê husnaya Cenabê Heq hene. Cûrbecûrî û cihêtiya aferideyan ji cûrbecûriya wê tecelliyatê tê.

   Va ye li gorî raza ku her xwedî-kemal û xwedî-cemal dixwaze wê cemal û kemala xwe bibîne û nîşanî kesan bide, lewra eva ha tiştekî fitrî ye; ew esmaya muxtelîf jî ji ber ku daîmî û sermedî ne, dixwazin her tim li ser navê Zatê Eqdes xuya bikin; ango dixwazin nexşên wî bibînin, ango dixwazin cîlweyên cemala Wî û şewqdanên kemala Wî di neynikên nexşên xwe de bibînin û bidin nîşandan; ango pêwistiyê dibînin ku kitêba mezin ya gerdûnê û nameyên muxtelîf yên mewcûdatê her ku diçe nû bikin; ango ji nû ve watedar binivîsin, ango di rûpeleke tenê de bi hezaran nameyan binivîsin û her nameyekê nîşanî şahidbûna Zatê Muqeddes û Musemmayê Eqdes bikin û bidin xwendin. Li vê helbesta biheqîqet ya îşaretî vê heqîqetê dike, binêre:

 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599
Fihrist
Lügat