Ey mirovê gilîker! Tu neyî madûm nema yî, te ne’meta wicûdê li xwe kir, te jiyan tam kir, tu bê can nema yî, tu nebûyî ajal, te ne’meta Îslamiyetê dît, tu di delaletê de nema yî, te ne’meta sihet û selametiyê dît û her wekî wê…
Hey nankoro!Tu mafî ji ku bi dest dixî ku tu di hemberî wan mertebeyên wicûdê yên ne’met bi xwe ne yên Cenabê Heq dane te de şukrî nakî û ji ber ku Cenabê Heq ne’metên bilind yên ku îmkanat û edemiyat in û neketine destê te de û tu ne layiqî wê yî bi azweriyeke batil giliyê ji Cenabê Heq dikî û kufrana ne’metê dikî?
Gelo mirovek mertebeyek û meqameke xudan dereceyên bilind ya her wekî derbikeve ser serê minareyê bi dest bixe û di her pêpelokê da ne’meteke mezin bibîne; (paşê jî) şukrê wî yê ew ne’met jê re dayî neke, gilî û gazindan bike, bigirî û holê bibêje: “Çima ez derneketim ser bilindayiyeka ser wê minareyê re?” Ev çiqas dibe neheqiyek û kufrana ne’metê; çi dînîtiyeka mezin dike, yê dîn jî vê dizanin.
Ey mirovê xafil yê bêqenaetê azwer, bêîqtîsadê îsrafker û gilîkerê neheq! Teqez vê zanibe ku: Qenaet şêkirdariyeka xudan tîcaret e; azwerî nankoriyeka xudan -xusaret e. Û îqtîsad rêzgirtineka spehî û xwedan -menfeet ya ne’metê ye. Lebelê îsraf ‘hindik dîtin’ eka bizerar û sik ya bo ne’metê ye. Eger aqilê te hebe, xwe hînî qenaetê bike û ji bo rizayê Xwedê bixebite. Eger tu semaxê (tehemilê) nekî “Ya Sebûr!” bibêje û sebrê bixwaze; raziyê bi heqê xwe be, gilî meke. Zanibe ka tu giliyê kê li ba kê dikî, aş be. Îleh te bivê tu giliyê bikî; giliyê nefsa xwe ba Cenabê Heq bike, Lewra kêmasî di wê de ye.
Remza duduyan: Wek di dawiyê meseleya dûmahîkê ya Nameya Hijdehê de hatiye gotin, hikmeteka ku Xaliqê Zulcelal mewcûdatê her tim bi awayekî heyret-nûma û dehşet-engîz, bi fealiyeteke rubûbiyetê diguherîne û nû dike ev e: Wek çawa fealiyet û tevgera ku di mexlûqatê de ye; ji îştahekê, ji îştiyaqekê, ji lezzet û muhebetekê çêdibe. Heta dikare were gotin ku di her fealiyetekê de cûreke lezzetê heye; bê guman her fealiyetek cureyeke lezzetê ye. Û lezzet jî berê wê li kemalê ye; a rast cureyeke kemal e. Madem fealiyet îşaretî kemalekê, lezzetekê û cemalekê dike. Û madem Wacibulwicûd ku Kemalê Mutleq û Kamilê Zulcelal e, di zat, sifet û ef’alê xwe de
