Pirsa We Ya Heftemîn: Gelo

خَيْرُ شَبَابِكُمْ مَنْ تَشَبَّهَ بِكُهُولِكُمْ وَشَرُّ كُهُولِكُمْ مَنْ تَشَبَّهَ بِشَبَابِكُمْ

hedîs e an na; mebest ji vê çi ye?

   Bersiv: Min wek hedîs seh kiriye. Mebest jî ev e ku: “Xortê herî bixêr ew e ku hizra mirina xwe dike, ji bo axîreta xwe dixebite, nabe hêsîrê hewesên xwe û di xefletê de nafetise. Kalên we yên herî xirab ku di xefletê ne ye jî ew in yê di hewesan de dixwaze bişibe xortan, mîna zarokan li pey hewesên nefsê dikevin.”

   Parçeya dudoyê ya ku te di lewheyê de dîtibû, awayê wê yê rast ev e ku; min ew weke lewheya hikmetê raserî xwe ve daleqandibû. Her sibeh û her êvarê ez li wê dinêrim û dersa xwe jê werdigrim:

   Eger te dost bivê Xwedê bes e. Erê eger Ew dost be her tişt dost e.

   Eger te hogir bivê Qur’an bes e. Erê, bi wan pêxember û ferîşteyên ku di nava wê de ne re bi xeyalî hevdîtinê pêk tîne û li bûyerên wê temaşe dike û sebra xwe bi wan tîne.

   Eger te mal bivê qenaet bes e. Belê, yê qenaeta wî hebe ew ê îqtîsadê bike, yê îqtîsadê bike, ew ê bereketê bibîne.

   Eger te dijmin bivê nefs bes e. Belê, yê xwe (ji xelkê) çêtir bibîne ew ê belayê bibîne û wê bikeve nav zehmetiyê; yê xwe (ji xelkê) çêtir nebîne ew ê sefayê bibîne, wê here rehmetê.

   Eger te şîret bivê mirin bes e. Belê yê hizra mirinê bike, ew ê ji hezkirina dinyayê rizgar bibe û wê bi awayekî cîdî ji axîreta xwe re bixebite.

   Ez dixwazim yeke heştemîn jî deynim ser van heft meseleyên we. Holê ku:

   Berî rojek duyan, yekî hafiz ji Sûretê Yûsuf eşreke heta

تَوَفَّنِى مُسْلِمًا وَاَلْحِقْنِى باِلصَّالِحِينَ

ê xwend. Ji nişka ve nukteyek kete ser dilê min: Her tişta ku aidê Qur’an û îmanê be bi qîmet e,