Kitaplar
Mektûbat

   Sebra Sisêyan: Sebra li ser îbadetê ye ku ev sebir wî dibe heta digihîne meqamê mehbûbiyetê. Ber bi aliyê ‘ubûdiyeta kamîle’ ku meqamê herî bilind ve ve hêl dike.

   Pirsa We Ya Pêncemîn: Temenê mukelefiyê (sînnê mikellefiyet) weke panzdeh sal têt qebûlkirin. Cenabê Pêxember Selat û Selamên Xwedê li ser wî bin berî pêxemberiyê çawa îbadet dikir?

   Bersiv: Bi şûndemaya dînê Cenabê Îbrahîm Eleyhîselam ya ku li Erebîstanê de li pişt gelek perdeyan de cereyan dikir/gihîştibû heta wê demê. Lê neku di awayê ferzbûniyê û mecbûriyê de; bêguman bi vîna xwe û ji bo xêrê îbadet dikir. Ev heqîqeta han dirêj e, vê gavê bila kurt bimîne.

   Pirsa We Ya Şeşemîn: Hikmeta wê çi ye ku pêxemberî di çil saliya ku wek ‘temenê gihîştîbûn’ê (sinnê kemalê) têt qebûlkirin de hatiye û (her weha) hikmeta wê çi ye ku temenê bextewar û bi huzûr (yê pêxember) şêst û sê sal e?

   Bersiv: Hikmetên wê pirr in. Yek ji wan ev e ku: Pêxemberî mukelefbûneke gelek giran û gelek mezin e. Bi înkîşaf û temambûna melekeyên aqilî û îstîdadên qelbî (ancax) ew mukelefiyet dikare were tehemûlkirin. Îca dema wê jî, sala çilê ye. Hem xortanî ku dema kelecana daxwazên nefsê û herareta xerîziye û kela (feweran) îhtîrasên dinyayê ye, ne muwafiqê wezîfeyên pêxemberiyê ne ku ew sirf ji bo Xwedê ne, yên axretê ne û qudsî ne. Beriya çilê, merivekî çiqas cîdî û xalis jî be, bedgumaniyeke holê derdikeve ku ew ji bo xatira şohretperestan û ji bo şan û şerefê dixebite. Nikare zû ji tawanbariya (tohmeta) wan rizgar bibe. Lêbelê madem piştî çilê, daketina ber bi gorê ve dest pê dike û ji dinyayê bêhtir axîret jê re xuya dike, di hereket û emelên xwe yên axretê de ji wan tawanbariyan rizgar dibe û (di vê çendê de) bi ser dikeve. Mirov jî ji sûê zenê xilas dibe.

   Ya ku temenê bextewar û bihuzûr (yê pêxember) şêst û sê sal e, gelek hikmetên wê hene, yek ji wan jî ev e ku, li gorî Şerîetê, ehlê îmanê mukelefê wê çendê ne ku zêde zêde ji Resûlê Ekrem Eleyhîselat û Wesselam hez bikin û rêzê jê re bigrin û ji tu tiştê wî nefret nekin û her halê wî spehî bibînin.. (ji ber wê çendê Xwedê Teala) Hebîbê xwe yê Ekrem nahêle dema kalîtiya piştî şêstê ya ku bimeşeqet û bimûsîbet e. Belkî di şêst û sisêyê de ku temenê xalip yê ometa wî ya ku ew îmamê wê ye de dişîne meleyê e’la, tîne ba xwe, nîşan dide ku ew ji her aliyî ve îmam e.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599
Fihrist
Lügat