Pirsa We ya Çaremîn: Hikmet û mebesta

اِنَّ اللّٰهَ مَعَ الصَّابِرِينَ

   çi ye?

   Bersiv: Cenabê Heq, li ser pêwistiya navê Hekîm di heyîna (afirandina) tiştan de tertîbeke mîna pêpelokên sêlmê daniye. Ew merivê bêsebir ji ber ku hêdîka (biteenî) tevnegeriya ye, yan dê xwe di ser pêpelokan re biqevêze, bikeve yan jî wê (wan pêpelokan) kêm bihêle; hilnakeve banê armancê. Ji ber wê çendê azwerî sedema mehrûmiyetê ye. Lêbelê sebir mifteya muşkileyan e ku

اَلْحَرِيصُ خَۤائِبٌ خَاسِر

وَالصَّبْرُ مِفْتَاحُ الْفَرَجِ

 bûne derb û mesele. Nexwe, alîkarî û tewfîqa Cenabê Heq digel merivên sebirker e. Lewra sebir sisê ne:

   Ya yekê: Xwe ji gunehan bide alî û sebir bike. Ev sebir teqwa ye ku digihîne raza

اِنَّ اللّٰهَ مَعَ الْمُتَّقِينَ

 ê.

   Ya Duduyan: Sebra di hemberî karesatan e ku tewekul û teslîm e. Digihîne rûmeta

اِنَّ اللّٰهَ يُحِبُّ الْمُتَوَكِّلِينَ

اِنَّ اللّٰهَ يُحِبُّ الصَّابِرِينَ

 ê. Lêbelê herçî bêsebrî ye, di hundirê wê de giliya ji Xwedê heye. Û rexnekirina kirinên (ef’alên) Wî û tawanbarkirina dilovaniya Wî û nepejirandina hikmeta Wî heye. Belê, ew merivê bêhêz û zeîf yê ku bi derbeya karesatan re rûbirû mayî helbet wê gilî bike û bigirî; bes divê gilî ne ji Wî bêt kirin, divê gilî bo Wî bêt kirin.  Divê mîna gotina Cenabê Ye’qûb Eleyhisselam ya 

اِنَّـمَٓا اَشْكُوا بَثّي وَحُزْنٓي اِلَى اللّٰهِ

  be. An na, her wekî giliyê Xwedê bo mirovan bike û bibêje “Heywax! Off! Ma min çi kiribû ku ev hate serê min?” û bi vî hawî tehrîkkirina dilrehmiya (riqqeta) mirovên bêhêz zerar e, tu wateya wê tune ye.