“Cenabê Heq ji beşeke wî malê ku wî bi xwe daye me ji dehan yek (Haşiye-1) ji beşekê jî ji çilan yek (Haşiye-2) ji me xwest; da ku duayên xizanan bi me bide qezenckirin û kîn û çavnebariya wan asteng bike. Me ji ber azweriya xwe temakarî kir û neda. Cenabê Heq ev zekata xwe ya kombûyî, ji çilan sih û ji dehan heşt stand.
Hem di salê mehekê de bi tenê birçîbûneke ku heftî hikmetên wê hene ji me xwest. Lê dilê me bi nefsa me şewitî; me (derdê) birçîbûneke demdemî û bilezzet nekişand. Cenabê Heq cûreyeke rojî ya ku ji heftî aliyan ve bibela, pênc salan wek ceza bi me da girtin.
Hem di bîst û çar demjimêran de demjimêrek bi tenê cûreyeke talîmata rebbanî ya xweş, ulwî, nûranî û fêdadar ji me xwest. Me tiralî kir û ew nimêj û niyaz bi cî neanî. Me ew demjimêr jî deyna ser demjimêrên dî û ji dest xwe derxist. Cenabê Heq, weke kefareta wê, pênc salan bi dankirina hîndekarî û rêwerz û bezandinê cûreyeke nimêjê bi me da kirin.”
Piştre ez hatim ser hişê xwe, min mitale kir, min zanî ku di wê xewna xeyalî de heqîqeteke gelek girîng heye. Wek çawa di Peyva Bîst û Pêncemîn de, di mijara muwazeneya şaristanî û hukmê Qur’anê de hatiye îsbat û beyankirin ku, di jiyana civakî ya mirovî de jêderka hemû bêexlaqî û tevlîhevbûnan du peyv in:
Yek ji wan: “Piştî ku ez têr bim, yên din ji birçîna bimirin min çi jê?
Ya duduyan: “Tu bixebite ez ê bixwim.”
Ya ku van her du peyvan didomîne belavbûna ribayê û terikandina zekatê ye. Çareya yekane ya van herdu nexweşiyên civakî yên bi felaket derman bike, bicihanîna zekatê ya di awayê distûreke gelemperî de û wacibbûna zekatê û herambûna ribayê ye.
Hem neku di şexsan bi tenê de û di cemaetên taybet de, bêguman ji bo bextewariya jiyanê ya hemû mirovahiyê ruknê herî girîng, ya rast stûna herî girîng ya ji bo dewama jiyana mirovan zekat e. Lewra di mirovayiyê de du çîn hene: Xewas û ewam Ya ku ji xewasî bo ewamê merhemet û îhsanê û ji ewamê jî bo xewasê rêz û îteetê dabîn dike zekat e. Eger ne welê be, wê ji jor de zulim û pêkutî li ser serê ewamê were xwarê; wê ji ewamê jî li hemberî dewlemendan
