Ew bi qasî hêza xwe ya şexsî û biçûk ancax dikare bi serdesteyekî (onbaşî) ji artêşa dijmin re têkoşînê bike; tiştekî zêdetir ji destê wî nayê. Ew birayê dî baweriya wî bi wî nayê, ew xwe aciz û bêhêz dizane.. (wî birayê) xwe bi padîşah ve girê da, bo leşkeriyê hate qeydkirin. Bi wê întîsabê ew artêşa tirtire jê re bû noqteya îstînadê. Û bi wê îstînadê dikare alîkariya padîşah û hêza manewî ya artêşekê li pişta xwe kom bike.. bi wê hêza manewî kete nava şêr. Heta ku rastî mereşalekî mezin yê wî şahê ku di nav artêşa têkçûyî ya dijmin de ye hat; li ser navê padîşahê xwe got: “Ez te dîl digrim! Were!” Dîl digre û tîne. Raz û hikmeta vê rewşê eve ye ku: Ew bêserûberê pêşî ji ber ku bêgav bû ku ew bixwe giraniya tiştên xwe û teçhîzata xwe bikişîne, karîbû ku îşeke gelek hindik bike. Lê ev fermanberê hanê ne bêgav bû ku ew bixwe giraniya tiştên xwe hilgire; heta artêş û padîşah wê hildigre. Wek çawa yek makîneya xwe bi têleke biçûk bi têla telgraf û telefonê ve girê bide; (eynen welê) ew mirov bi vê întîsabê xwe bi hêzeke bêhed û bê hesap ve girê dide.
Vaye,
وَ لِلّٰهِ الْمَثَلُ اْلاَعْلٰى
eger her aferîde, her zere rasteras bo Wahidê Ehed were spartin û ewana jî xwe bispêrin Wî, wê demê bi wê hêza spartinê û hêz û fermana seyidî; mûrî qesra Fir’ewnî bi serê wî de tîne xwarê.. mêş Nemrûdî geber dike û diavêje Dozexê.. mîkrobek zalimekî herî cebar dixe gorê.. dendika çamê ya bi qasî liba gênim dibe dezgeh û makîneya dareke çamê ya mîna çiyayekê.. her zereyeke hewayê dikare bi awayekî birêkûpêk û baş di karên cihê cihê yên hemû kulîlk û mêweyan de û di pêkhatina wan de bixebite. Hemû ev hêsaniya hanê bieşkereyî ji berfermanberî û întîsabê têt. Eger kar vegere bêserûberiyê, (ew karana) ji sebeban û kesretê re were hêlan, her wiha (bête gotin ku) ew ‘bixwe xwe çêdibe? û di rêya şirkê de biçin, wê demê dikare bi qasî qebareya (cirmê) xwe û bi mîqdara hişmendiya xwe karî bike.
Nimana Sêyemîn: Wek mînak du heval hene. (Ev herdu heval) dixwazin ku der barê rewş û weziyeta welatekî ku wan qet nedîtine de erdnîgariyeke bi îstatîstîk binivîsin.
