biharekê, fêkiyek bi qasî bexçeyekê zehmet û zor dibe. Madem ev meseleya hanê di Peyvên din de hatiye ravekirin û îsbatkirin, em ê hewaleyî wan bikin.. û ji bo ku di hemberî wê heqîqetê de nefs tetmîn bibe em ê sê nimanan (temsîlan) beyan bikin:
Nimana Yekemîn: Wek mînak eger zerekokeke şefaf û teyîsok bi tena serê xwe bimîne, bi qasî serê niftikekê nûr tê de bi cî nabe û nikare jê re bibe kanî (mesder.) Nura wê dibe ku bi qasî cirmê wê be, bi mîqdara mahiyeta wê be, mîna zereke biçûk be. Bes eger ew zerekok xwe bi Tavê ve girê bide, çavê xwe veke û lê binêre; wê demê dikare wê Tava tirtire bi ronayiya wê ve, bi heft rengên wê ve, bi germa wê, heta bi dûrayiya wê ve bixwe nava xwe û dikare bibe mezherê teceliya wê ya mezin. Nexwe eger ew zere bi tena serê xwe bimîne, ancax dikare bi qasî zereyekê kar bike. Eger ji Tavê re fermanber û mensûb û neynik were hesibandin, wê demê dikare beşeke ji nimûneyên cuz’î yên kirdariyên (îcraat) Tavê Nîşan bide.
Vaye
وَ لِلّٰهِ الْمَثَلُ اْلاَعْلٰى
eger her mewcûdek, heta her zereyek bo kesretê, bo sebeban (esbab), bo xwezayê û bo ‘xwe bi xwe’yê were spartin, wê demê pêwist e her zereyek, her mewcûdek yan xwediyê ilmeke ku her der dorpêçkirî (mûhît) û qudreteke mutleq be, yan jî divê di nava wan de makîne û çapxaneyên bêhed û bêhesap yên manewî çêbin/hebin; daku karibin wan erkên ecêb yên ji wan re hatine dayîn, bikin. Eger ew zereyana bo Wahidê Ehed werin spartin, wê demê her mesnû’ek, her zereyek dibe mensûbê Wî, dikeve hukmê fermanberê Wî. Ev întîsaba wî, wî digihîne teceliyê. Ew bi vê mezheriyet û întîsabê xwe dispêre ilm û qudreteke bêdawî. Bi hêza Xaliqî kar û erkên welê dike ku milyon carî ji hêza wî bêhtir e; (van kar û erkana) bi raza wê întîsab û îstînadê dike.
Nimana Duyemîn: Wek mînak: Du bira hene. Yek ji wan wêrek û bixwe bawer e. Yê dî xwey-hemiyet û netewe-perwer e. Di şerekê da yê ew mirovê bixwe-bawer xwe bi dewletê ve girê nade, dixwaze bi serê xwe karî bike. Mecbûr dibe ku ew bixwe menbeên hêza xwe bi pişta xwe bikişîne. Di wê bêçariyê de dimîne ku teçhîzat û cebilxaneya xwe bi hêza xwe bikişîne.
