Wek mînak: Wek çawa eger ew sen’etê hostetiyê yê di qubên bikember de ne bo wan kevirên ku di qubê de ne werin spartin û eger îdareya fermandaran ya di tabûrekê de bo leşkeran were hêlan, (wê demê) yan qet nayên wicûdê (çênabin) yan jî dê di nav zehmetî û tevliheviyê de be û di weziyeteke bê întîzam de be. Çimkî kevir û leşker ji hevûdin re dibin asteng, lê hoste û fermandar bêyî astengî dinêrin her derê, îdare dike.
Vaye
وَ لِلّٰهِ الْمَثَلُ اْلاَعْلٰى
mahiyeta qudsî ya Wacibulwicûdî ne ji cinsê mahiyetên mumkinatî ne. Heta hemû heqîqetên gerdûnê tîrêjên navê Heq (ku ew navê Heq jî) yê ji esamaya husnayê wê mahiyetê ne. Madem mahiyeta wî ya muqedes hem Wacibulwicûd e he ji madeyê mucered e hem dijberê hemû mahiyetan e, (nexwe) menendê Wî û mîsal û numûneyên Wî tune. Helbet li gorî hêza ezelî ya wî zatê Zulcelal birêvebirina hemû gerdûnê; bi qasî biharekê, heta bi qasî darekê hêsan e. Îcada heşra mezin û axret û Bihişt û Dozexê; bi qasî ji nû ve vejîna daran ya di biharê de ku di demsala pahîzê de miribûn, hêsan e.
Raza Sêyemîn: Lê raza ku cihnegirtin (ango edemê teheyuz) û parçenebûn (edemê teheyuz) dibin sedema gelek hêsaniyê eve ye ku: Madem Sani’ê Qedîr ji mekanî munezeh e, helbet bi qudreta xwe ve li her derê amade tê hesibandin. Û madem parçebûn (tecezî) û belavbûn (înqîsam) tune ye, helbet dibe ku berê Wî bi hemû esmaya Wî ve li her tiştî be. Madem li her derê amade ye û berê Wî li her tiştî ye, nexwe mewcûdat û wesait û ecram bo kiryarên Wî nabin asteng, desteser (te’wîq) nakin, heta qet pêwist nake. Em wilo ferz bikin ku pêwistî hebe, mîna têlên elektirîkê, mîna çiqilên darê û mîna damarên însên.. (hemû) tişt dibin wesîleya hêsaniyê, amûra gihiştina jiyanê (wasiteya wisûla heyatê) û sedema sur’eta kiryaran (ef’al.) Bila desteserkirin, teqyîd, astengî û mudaxele li dera hanê bin (ango evên hanê ji xwe tune ne, li şûna wan) hêsankirin, lezlezandin û herikandin dibe wesîle. Ev tê wê maneyê ku her tişt ji aliyê îtaet û serîtewandinê ve ji teserrufa qudreta Qedîrê Zulcelal re –ji xwe hewceyî tune- eger hewceyî hebe dibe wesîleya hêsaniyê.
