Wek li ber çavê we jî dixuye ev fealiyeta qudretê ku di her demsalekê da em li ser rûyê erdê dibînin bi awayekî mîsoger dibe delîl ku li gorî qudreta ku serkenaiya van kiryaran e tişta herî mezin bi qasî tişta herî biçûk hêsan e. Û îcad û îdarekirinên ferdên bêhed û bêhesap bi qasî ferdekî rehet e.

   Sêyemîn: Li gorî wî Sani’ê Qedîrê ku di vê gerdûnê de bi van teserruf û ef’alan hukim dike teva (kulla) herî mezin bi qasî parçeya (cûza) herî biçûk hêsan e. Îcada wê tevaya (kulla) ku fêrdên wê zêde ne bi qasî îcada pareçeyekê (cûz) bitenê hêsan e. Û di parçeya herî ji rêzê de dikare qîmeteke sen’etî ya herî bilinde were nîşandayîn.

   Raza hikmeta vê heqîqetê ji sê kaniyan derdikeve:

   Pêşî : Ji hawara wahidiyetê (îmdada wahîdiyet)

   Ya Duduyan: Ji Hêsaniya Wehdetê (yusrê wahdetê)

   Ya Sisêyan : Ji xuyabûna ehadiyetê (teceliya ehadiyetê.)

   Hawara Wahîdiyetê ku kaniya yekemîn e: Ango eger her tişt mulkê zatekî bi tenê be, wê demê ji aliyê wahîdiyetê ve di pişt her tiştî hêza her tiştî tê komkirin. Û hemû tişt mîna tiştekî bi tenê, bi hêsanî bête îdare kirin. Em ê vê raza hanê bi mînakeke holê nêzî fêmkirinê bikin, bibêjin; Wek mînak: Di welatekî de padîşahek hebe, ew padîşah ji hêla qanûna yekîtiya selteneta xwe ve dikare her leşkerekî xwe hêza manewî ya artêşekî bide pişta wan.. û ji ber ku dikare vêya bike, ew leşker jî dikare şahekî hesîr bigre û (her wiha) dikare ku li ser navê padîşahê xwe hûkmekî ku li ser şah re ye bike. Hem ew padîşah, wek çawa bi raza yekbûna selteneta xwe dikare leşkerekî û karmendekî îstîxdam bike, (eynen welê) dikare hemû artêşê û hemû karmendên xwe (jî) birêve bibe/îdare bike. Heçko li gorî raza selteneta xwe dikare her kesî, her tiştî bişîne hawara ferdekî. Û dikare her ferdekî bispêre hêzeke ya bi qasî hêza hemû ferdan; ango dikare hawara xwe bigîhîne wana. Eger tayê yekbûna wê seltenetê biqete, wê demê her leşkerekî ji nişka ve hêzeke bêhed û bêhesap wenda dike, ji wî meqamê bilind yê nifûzê dikeve, dikeve meqamê mirovekî jirêzê. Û (wê demê) îdarekirina wana û îstîxdama wana bi qasî ferdên wê zehmetî derdikevin holê. Eynen welê jî