hema çawa destê xwe bide kar, mîna makîneyê bişuxule, (wê demê) ji bo lez û mehareta wî holê tê gotin: “Ew kar û ew sen’et jê re ewqas musexer e ku hema destê xwe didiyê ew kar û ew sen’et çêdibin.” Eynen welê, ji bo ku were gotin ku li gorî hêza Qedîrê Zulcelal tişt gelek zêde musexer in û îtateker in û hêza Wî heta tu bibêjî bi hêsan û bêzehmetî kar dike, holê ferman dike:
اِنَّمَۤا اَمْرُهُۤ اِذَۤا اَرَادَ شَيْئًا اَنْ يَقُولَ لَهُ كُنْ فَيَكُونُ
Razên vê heqîqetê bêhed in. Em ê di nav wan razên mezin de pênc razan di Pênc Nukteyan de beyan kin.
Yekemîn: Li gorî Qudreta Xwedê tişta herî mezin, bi qasî tişta herî biçûk hêsan e. Îcada cinsekî ya digel hemû ferdên ve bi qasî ferdekî bêzehmet e, rehet e. Afirandina Bihiştê bi qasî biharekê hêsan e. Îcada biharekê bi qasî kulîlkekê rehet e. Di dawiya Peyva Dehemîn ya di der barê heşrê de ku vê razê rave û îsbat dike, hem di Peyva Bîst û Nehemîn ya der barê beqaya rûh û heşrê de, di beyana Esasa Duyemîn de bi şeş mînakan yên we raza nûraniyetê, “raza şefafiyetê”, “raza muqabeleyê”, “raza muwazeneyê”, “raza întîzamê”, “raza îtaetê”, “raza tecerudê” de hatiye îsbatkirin û nîşandayîn ku, li gorî qudreta Xwedê stêran bi qasî zereyan hêsan in, ferdên bêhed û bêhesap bi qasî ferdekî bêzehmetî û welê rehet têne îcadkirin. Madem di wan herdu Peyvan de ev raz hatiye îspatkirin, em bispêrin wan û li vir qut kin.
Duyemîn: Li gorî qudreta Xwedê her tişt wekî hev e; delîla qet’î û burhana aşîkar ya wê çendê eve ye; em bi çavê xwe dibînin ku di îcada ajal û rivekan de digel comerdî û hejmara zêde, çêkirineke heta tu bibêjî zêde saxlem û sen’eteke spehî heye. Hem heta tu bibêjî di nav tevliheviyê de jî lê cudatî û cihêkirineke zêde dixuye. Hem gelek erzanî û zehfî heye, digel wê çendî jî ji aliyê senêtî ve hêjayiyeke zêde û ji aliyê afirînê ve bedewiyek xuya dike. Hem heta tu bibêjî di awayê hunermendane de ne û heweceyiya wan bi gelek cîhaz û demê heye, digel wê çendê jî gelek bi hêsan û bilez têne îcad kirin. Herwekî ji nişka ve û ji tuneyê ew mucîzeyên sen’etê têne wicûdê.
