wî tê dayîn; eva hanê bi ilmekî ku her tişt dorpêç kirî dibe, bi awayekî din çênabe.

   Hem ku ji hemû candaran re, bi awayekî layiqî wan, munasibê wan, ji wê dera ku hêvî nakin de rizqê wan tê dayîn; eva hanê bi ilmekî ku her der dorpêç kirî (muhît) dibe. Çimkî yê rizqî dişîne, divê yê hewceyiya wî bi rizqî heyî zanibe, ew nas kiribe, dema wê jî zanibe, di hewceyiya wî de serwext be, paşê dê rizqê wî bi awayekî layiq bişîne.

   Hem ecel û mirinên hemû candaran di bin navê “nediyarî”yê de bi “qanûneke diyar” ve girêdayî ye; eva hanê jî ilmeke ku her der dorpêç kirî nîşan dide.  Çimkî, herçiqas ferdên her taîfeyekê.. li gorî zahirî dema ecelê wan ya diyar xuya nake, bes ecelê wê taîfeyê di nav bera demeke sînorkiya ya di neqeba du hedan de ye. Di hengama wî ecelî de encam û mêwe û dendika wî tiştî tê parastin, daku piştî wî tiştî wezîfeya wî bidomîne û veguherîne jiyaneke nû; eva hanê jî ilmekî ku her der dorpêç kirî (muhît) nîşan didin.

   Hem di her mewcûdî de teltîfeke rehmetê ya layiqê wê heye ku şamilî hemû mewcûdatê ye; eva hanê di nav rehmeteke berfireh de ilmekî ku her tişt dorpêç kirî (muhît) nîşan dide. Çimkî wek mînak, yê zarokên candaran bi şîrî xweyî dike û yê bi şandina baranê arîkariya riwekên muhtacê avê yên ser rûyê erdê dike, helbet zarokan nas dike, hewceyiya wan dizane û wan riwekan dibîne, pêwistiya wan fêm dike; paşê dişîne. Û herwekî wê, cîlweyên bêhed yên hemû rehmeta wî ya bihikmet û biînayet ilmekî ku her der dorpêç kirî (muhît) nîşan dide.

   Hem pûtepêdayînên (îhîmamat) di sen’etê hemû tiştan de û teswîrên sen’etkarane û xemilandinên mahîrane (jî) ilmekî ku her der dorpêç kirî (muhît) nîşan dide. Çimkî di nav hezaran weziyetên muhtemel de bijartina weziyeteke birêkûpêk û xemilandî û bisen’et û bihikmet, (ancax) bi ilmeke kûr çêdibe. Ev awayê bijartinan ya di tiştan de ilmekî ku her der dorpêç kirî (muhît) nîşan dide.

   Hem ew hêsaniya tam ya di îcad û destpêka afirandina tiştan de dibe delîla ilmekî herî kamil (ekmel). Çimkî hêsanîbûna di karekê da û di weziyetekê da bi dereceya ilm û meharetê ve mûtenasib e; (ango) çiqas zêde zanibe, ewqas bi hêsanî çêdike. Vaye ji ber vê, em li mewcûdata ku her yek mucîzeyeke sen’etê ye dinêrin, (em dibînin ku vaye ew mewcûdat)