bi xîzaniya xwe bo dewlemendiya Wî dibin ayînedar; eynen welê, bi fenaya xwe ayînedariya dewama (beqa) wî dikin. Belê rûyê erdê û weziyeta xîzanane ya darên li ser rûyê wê erdê ya di zivistanê de û debdebe û dewlemendiya wan ya di biharê de bi awakî gelek mîsoger ayînedariya karîn û rehmeta Qedîrekî Muleq û Xeniyê ‘Elel-‹tlaq dikin. Belê hemû mewcûdat heçku bi zimanê hal mîna Weysel-Qeranî holê diayan dikin:

   Xwedayê me! Rebbê me Tu yî! Çimkî em bende ne; em nikarin nefsa xwe perwerde bikin. Nexwe yê me perwerde dike Tu yî. Hem Tu yî Afirînêr; çimkî em aferîde ne, têne çêkirin. Hem Rezzaq Tu yî, çimkî em hewceyî rizqî ne; destê me nagihiyê. Nexwe yê em çêkirîn û rizqê me dide Tu yî. Hem Tu yî Xwedî (malik), çimkî em bende ne. Yekî din di me da teserrufê dike. Nexwe xwediyê me Tu yî. Hem tu ‘Ezîz î, xwediyê hêz û mezinahiyê yî. Em li zelîlbûna xwe dinêrin cilweyên hêz û mezinahiyekê (izzet) li ser me ne. Nexwe em neynika hêz û mezinahiya (izzeta) Te ne. hem Tu yî Xeniyê Mutleq î. Çimkî em xîzan in; dewlemendiyeke ku destê me nagihiyê dikeve destê me. Nexwe, Xenî Tu yî, yê dide Tu yî. Hem Tu Heyyê Baqî yî. Çimkî em dimirin; em di mirin û vejîna xwe de cîlweyeke ku her tim jiyanê dide dibînin. Hem Tu Baqî yî; çimkî em di fena û zewala xwe de dewam û beqaya Te dibînin. Hem yê bersivê dide, yê diyariyan dide Tu yî. Çimkî em hemû mewcûdat hem bi zimanê xwe yê devikî (qalî) hem bi zimanê xwe yê halî her tim dikin qîr û dixwazin, dua û lavayan dikin; daxwazên me bicih tên; derandeyên (meqsûd) me tên dayîn. Nexwe, yê bersiva me dide Tu yî. Û wekî wê…

   Hemû mewcûdat her tev (kull) û perçeyek (cûz) mîna Weysel-Qeranî neynikdariyeke wan ya di awayê duayeke manewî de heye; bi qelsî û xîzanî û kêmasiyên xwe karîn û kemala Xwedê îlan dikin.

   Kelamê nehemîn: 

بِيَدِهِ الْخَيْرُ

   Ango, çiqas xêrên heyî di destê Wî de ne; çiqas tiştên spehî hene di defterê Wî de ne, çiqas qencî hene di gencîneya Wî de ne. nexwe, yê xêrê bixwaze divê ji Wî bixwaze, yê qenciyê bixwaze divê laveyan ji Wî bike… Ji bo ku em bi awayekî mîsoger rasteqîniya vê peyvê nîşan bidin, em ê nîşane û çirûskên delîleke fireh ya wan delîlên bêhed yên ilmê Xwedê holê destnîşan bikin ku: