Dema em li vê gerdûnê dinêrin holê dixuye: Di awayê baxistanekê de ye; asraqa wê bi stêran hatiye xemilandin; rûyê erdê bi mewcûdatê xemilandî şên bûye. Vaye her yek ji van stêrên bilind yên nûranî û muntezem yên di vî baxistanî  de û ev mewcûdata xemilandî yên li jêr bi zimanê xwe yên taybet dibêjin ku: “Em mucîzeyên qudreta Qedîrekî Zulcelal in, em şahdebûna yektiya Sani’ekî Qedîr dikin.”

   Em li rûyê erdê yê di vî baxistanê alemê de ye dinêrin, dibînin ku di şiklê bexçeyekê de ye; ku bi sedhezaran taîfeyên riwekan (nebat) yên bi kulîlkan xemilandî li ser de hatine raxistin û bi sedhezaran cûreyên ajalan li ser de hatine reşandin. Vaye hemû ew riwek û ajalên xemilandî yên li ser rûyê vê erdê bi şiklên xwe yên birêkûpêk û bipîvan îlan dikin ku: “Her yek ji me em mucîzeyek ji sen’etê Sani’ekî Hekîm tenê ne, em xarîqeyeke Wî ne, her yek ji me em îlanker û şahidekî Wehdaniyetê ne.”

   Hem em li serê wan darên ku di wî bexçeyê de ne dinêrin, hin fêkî û kulîlkên ku di sûretên cur be cûr de û alîmane,  hekîmane, letîfane, cemîlane hatine çêkirin dibînin . Vaye evana bi hev ra îlan dikin ku: “Ewana xelatên bimucîze yên Rehmanekî Zulcelal û Rehîmekî Zulkemal in û qenciyên wî yên heyret-bexş in.”

   Vaye ew cism û mewcûdatê ku di vî baxistanê gerdûnê de ne û ew riwek û ajal û darên ku di vî bexçeyê dinyayê de ne û ev kulîlk û fêkiyên ku di serê wan riwekan ve ne bi dengekî heta tu bibêjî bilind şahdebûnê didin, îlan dikin û dibêjin ku:

   Xaliqê me û Musewirê me û ew Qedîrê Zulcemal, Hekîmê Bêmîsal û Kerîmê Pûrnewal ku em kirine xelat, qadirê li ser her tiştî ye, tiştek lê giran nayê, tu tişt ne derveyî daîreya qudreta Wî ye. Li gorî qudreta wî zerre û stêr yek in; tevayî (kullî) bi qasî perçeyê (cuz’ê) hêsan e; perçe bi qasî tevayiyê biqîmet e; li gorî qudreta wî tişta herî mezin bi qasî tişta herî biçûk rehet e; (tişta) biçûk bi qasî (tişta) mezinê bisen’et e; dibe ku ji aliyê sen’etê ve (tişta) biçûk ji (tişta) mezin mezintir be. Hemû ew bûyerên dema bihûrî ku ewana karên wî yên xarîqe ne, şahdebûnê didin ku hêza wî Qedîrê Mutleqî heye ku wan karê mimkûn yê pêşerojê jî bîne. Wek çawa yê duh anî dikare sibeyê jî bîne, ew Zatê ku dema bihûrî îcad kirî dikare dema pêşerojê jî îcad bike. Ew Sani’ê Hekîmê ku dinya çêkirî dê axîretê jî çêbike. Belê wek çawa Me’bûdê Bîl-Heq tenê ew Qedîrê Zulcelal e,