dibêjin û newayên xwe yên şêrîn dixin nava wê mûzîka mezin û wêya xweş dikin. Qet gengaz e ku ji aliyê îcadê ve, ji bilî wî Celîlê Zulcemal û Cemîlê Zulcelal tiştekî dî, bi tena serê xwe karibe têkilî vê alema mezin û biçûk bibe? Haşa!

   Benda Şeşemîn: Îbareya 

 حِشْمَتُهُ فِى ذَاكَ...  الخ

   Wateya wê eve ye:

   Ango, wek çawa ewrengiya (heşmet) rubûbiyetê ku di hemû dîmenên gerdûnê de derdikeve holê, tekîtiya Xwedê îsbat dike û nîşan dide; eynen welê, nîmeta rebbanî ku rizqên diyarkirî dide hûr û mûrên candaran jî ehediyeta Xwedê îsbat dike û nîşan dide. Lêbelê wateya wahîdiyetê eve ye: Hemû ew mewcûdat ya yekê ye, li yekê dinêre û îcada yekî ye. Bes Ehediyet eve ye: Di her tiştî de pirtirîn navên Xaliqê Kullî Şey’ xuya dibin. Wek mînak: Ronahiya tavê ji ber ku rûyê erdê hemûçkê dorpêç dike tîmsala Wahîdiyetê ye. Û di her parçeyên şefaf de ronahiya tavê, têhna wê, heft rengên ku di ronahiya wê de ne û siha wê heye.. eva hanê jî mînaka Ehediyetê nîşan dide. Û di her tiştî de, xasma di candaran de, taybet di her mirovekî de pirtirîn navên wî Sani’î xuya dike; ji vî aliyî ve jî Ehediyetê nîşan dide.

   Vaye ev bend nîşan dide ku: Mezinahiya rubûbiyetê ku di gerdûnê de teserrufê dike.. (belê) wê mezinahiyê ev Tava tirtire ji bo candarên ku li ser rûyê erdê ne kiriye xizmetkarek, kiriye lembeyek, kiriye tifikek; û ev dinyaya mezin ji wan re kiriye landikek, ciheke seknê (menzîl), ciheke bazirganiyê; agir li her derê ji wan re kiriye aşpêj û dost; ewr ji wan re kiriye mifsik û dêşîr/zarokşîr, çiyayan kiriye embar, hewa ji wa re kiriye nefes û ji giyanan re jî baweşîn; av ji yên nû hatine bo jiyanê re kiriye daşîr û dayîn û ji ajalan re kiriye şerbetvanekî ku ava heyatê dide wan.. belê ev rubûbiyeta îlahî bi awakî gelek aşkere wehdaniyeta Xwedê nîşan dide. Belê ji bilî Wahidê Ehed kî dikare Tavê ji ehlê dinyayê re bike xizmetkar? Û ji bilî wî Wahidê Ehedî kî hewayê di destê xwe de digre, di gelek wezîfeyan de bikar tîne û di rûyê erdê de dike xizmetkarekî çalak? Û ji bilî wî Wahidê Ehedî heddê kê ye ku agirî bike aşpêj û bi wî agirê biçûk ku qasî serê şixatikê ye hezaran xunkarî tiştan bide dabelandin?  Û wekî wê; her tişt, her hêmanek (unsur), her stêreke esmanan ji aliyê mezinahiya wê rubûbiyetê ve Wahidê Ehedî nîşan dide.