berê wê hiltîne; tim û tim mulkê xwe dide şuxulandin, teserrufê têda dike. Alema zereyan, ku daîreya herî mezin e kiriye zevî.. her dem bi qasî gerdûnê derametî bi hêza xwe û bi hikmeta xwe têde diçîne, didirû û radike; ji alema şehadetê dişîne alema xeybê, ji daîreya qudretê dişîne daîreya ilmî. Paşê jî rûyê erdê ku daîreya navîn e, eynen welê kiriye zevî ku demsal be demsal aleman, çeşîdan tê de diçîne, didirû û radike; derametên wê yên manewî jî dişîne alemên xeybî, ûxrewî, mîsalî û manewî. Bexçeyekê ku daîreyeke biçûktir e, dîsa sed carî, hezar carî bi hêza xwe tije dike, bi hikmet dide valakirin. Canadarekî, wek mînak darekê, mirovekî ku (evana) daîreyeke hîn biçûktir e sed carî qasî wî derametê jê werdigre. Nexwe ew Malikûl-Mulkê Zulcelal, biçûk-mezin, parçe-gişk (kullî-cuz’î) her tişt mîna modelekê ava kiriye.. mensûcatê sen’etê xwe yên ku bi nexşên nû nû hatine nexşkirin dixe li ber wan, (bi vî havî) cilweya esma û mucîzeyên qudreta xwe radixwe ber çavan. Di mulkê xwe de her tişt mîna rûpelekê ava kiriye.. di her rûpelê de bi sed awayî nameyên xwe yên watedar dinivîse, hikmeta xwe, ayetên xwe radixe ber çavan, bi hişmendan (zîşuûr) dide xwendin. Ev alema mezin di awayê mulkî de ava kiriye.. digel wê çendê ev mirov jî di awayekî welê de afirandiye û cîhaz, alet, sehek û hestên welê, xasma nefs, hewes, hewceyî, îştîha, azwerî (hirs) û raman dayîne wî ku (bi vî awayî) di wî mulkê xwe yê fireh de kiriye bendeyekî welê ku hewceyî hemû mulkî be.
Vaye wî Malîkûl-Mûlkê Zulcelal ji vê alema zereyan ya pir mezin bigre hetanî mêşê hemû kiriye mulk û zevî û ev mirovê biçûk jî di wî mulkê xwe yê mezin de kiriye lênêr (nazir), serperişt, cotyar, bazirgan, delal, evd û kole..û (her wiha ew mirov) bo xwe kiriye mêhvanekî ezîz û mûxatebekî xoşewîst.. îca qet gengaz e ku ji bilî wî Malîkûl-Mûlkê Zulcelalî yekî dî karibe di wî mulkî de teserrufê bike û bibe xwediyê wî koleyî?
Benda Çaremîn: Îbareya
صَنْعَتُهُ فِى ذَاكَ... الخ
Vateya wê ev e:
Sen’etê Sani’ê Zulcelal yê di alema mezin de ewqas watedar e .. ew sen’et ji ber ku di awayê kitêbekê da xuya dibe û gerdûn kiriye kitêbeka mezin, aqilê miov pirtûkxaneya fena (ilm) hikmetê ya rasteqîn ji wê standiye
