heqîqetbûna gotinên vî zatê ku muellimê ekber û seydayê e’zem e re şahidî dikin. Ev jî huccetekî mîna rojê ye ji rîsalet û sadiqiyeta wî re. Mesela Rîsaleyê Nûr, bi sed parçeyên xwe, tek yek burhanekî sedeqeta wî ye.

   A heftan: Taîfeya herî mezin a bi navê al û eshab ku di pey nebiyan de, ji hêla feraset û dîrayetê ve û di kemalatê de, navdartirîn û muhteremtirîn û dîndartirînê mirovahiyê ye û xwedî nezereke herî bîrxurt e, bi mereqeke tam û bi dîqqeteke zaf hêja û ciddiyeteke pir jidil, li hal, fikir û wezyetên nepenî û aşkere yên vî zatî teherrî û teftîş û tedqîq kirine. Di encamê de bi îttîfaq û îcmayê û bi tesdîqeke ku qet naheje û bi îmaneke ku qewî qebûl kirine ku ev zat di dunyayê de yê herî sadiq e û yê herî bala ye û yê herî heqawer e û heqîqetdar e. Tê gihîşt ku ev yek jî delîleke wisan e, mîna ye delîlê roja ku ji roniya tavê re delîlî dike

   A heştan: Ev kaînat, çawan ku ji sani’ û katib û neqqaşê xwe yê ew îcad û îdare û tertîb dike û bi teswîr û teqdîr û tedbîrê, mîna serayekê, mîna kitêbekê, mîna pêşangehekê, mîna temaşegehekê teserruf dike re delîliyê dike; wisan jî dellalekî bala, keşşafekî rast, seydayekî muheqqîq û muellimekî sadiq ku bi meqsedên îlahî yên di xilqeta vê kaînatê de bizanibe û bide zanîn û hikmetên rebbanî yên di tehewwulata wê de talîm bike û encamên hereketên wê yên wezîfedaranî ders bide û qîmeta ku di mahiyeta wê de ye û kemalên mewcûdên ku tê de ne îlan bike û me’neyên wê kitêba kebîr îfade bike, dixwaze û îqtîza dike û divê ku di her halî de hebe. Ji ber vê delîliya wê, zanî ku ev kaînat, helbet şahidiyê dike ji heqqaniyeta vî zatê ku ji her kesî zêdetir van wezîfeyan dike.. û ew zat, memûrekî herî bilind û sadiq ê Xaliqê vê kaînatê ye. 

   A nehan: Madem di pişt perdeyê de yek heye ku dixwaze bi van mesnûên xwe yên hunerawer û hikmetawer, hunerên xwe û kemalên hunermendkariya xwe teşhîr bike.. û bi mexlûqên xwe yên xemilandî û rewişandî yên bêdawî, dixwaze xwe bide naskirin û hezkirin.. û bi van nîmetên xwe yên lezîz û hêja yên bêhesab dixwaze bike ku jê re hemd û sipas were kirin.. û bi vî terbiyeyê şefqetî û hîmayetî yê umûmî û bi vê îaşeyê û bi van ît’amên rebbanî û ziyafetên ku hetta bi awayekî ku her cure zewq û îştîhayên hur û kûr ên devan tetmîn bike hatine hazirkirin, dixwaze ji rûbûbiyeta