Hem di hemû cureyên hemû îbadetên dînê xwe de, yê herî li pêş ew e.. û ji her kesî zaftir di teqwayê de ye.. û ji Ellahî ditirse.. û di nav mucahede û dexdeyên(zehmetiyên) fewqelade de, tam û tam heta sirrên herî zirav ên ubûdiyetê mureet dike.. û bêyî ku tu kesî teqlîd bike, bi awayekî pir baş bi mubteditî; lê belê bi awayekî mukemmelî îbtîda û întihayê digihîne hev û dike, (nîşan dide ku ) helbet mislê wî nayê dîtin û nehatiye dîtin.
Hem di wan duayên û mucatên xwe yên bi hezaran de hema tenê bi Cewşen-ul Kebîrê, bi marîfeteke rebbanî ya wisan, di dereceyek wisan de Rebbê xwe tewsîf dike ku ehlê marîfet û ehlê welayetê yên ku ji wê hingê ve tên, digel telahuqên fikrên xwe, ne karîne bigihîjin wê mertebeya marîfetê û ne jî karîne bigihîjin wê dereceya tewsîfê. Ev jî nîşan dide ku qendera di duayê de jî, mislê wî tuen ye. Mirovê ku li wî ciyê ku di serê Rîsaleya Munacatê de, mealeke kurt a fikreyeke ji wan not û neh fikreyên Cewşen-ul Kebîrê ku hatiye beyankirin binihêre, dê bibêje ku mislê Cewşenê bi xwe jî tuen ye.
Hem di teblîxa rîsaletê de û di wexta ku nasan vexwendiye heqqiyê de, di dereceyeke wisan de metînî û sebat û cesaretê nîşan daye ku digel ku dewletên mezin, dînên(olên) mezin, hetta qewm û qebîleya wî û apê wî, bi şedîdî pê re dijminahî kirine jî, bi qasî misqalê zerreyê esereke tereddudê, metirsiyek, newêrekiyek nîşan nedaye.. û bi tena serê xwe, mûyê hemû dunyayê kiriye û ji heqqê wan jî derketiye.. û Îslamiyet daniye serê dunyayê. Ev îsbat dike ku di teblîx û vexwendinê de jî mislê wî nebûye û nekariye bibe.
Hem di îmanê de qeweteke wisan fewqelade û yeqîniyeke wisan nuwaze û înkîşafeke wisan mucîzeyî û îtîqadeke wisan ulwî ku cîhanê ronî dike, hilgirtiye, digel ku hemû fikr û eqîdeyên ku hukumranê wî zemanî bûn û hikmetên hukemayan û ilimên reîsên rûhanî, li dij wî muariz û muxalif û munkir bûn jî, tu gumanek, tu tereddudek, tu qelsiyek, tu wesweseyek nekarîne bidin ne yeqîniya wî ne îtîqada wî ne îtîmada wî.. û di serî de sehabî, yên ku di meretebeyên me’newî de û mertebeyên îmanî de tereqqî dikin, hemû ehlê welayet, her wext, ji mertebeya îmana wî feyz girtine û wan ew di dereceya herî bilind de dîtiye, bilbedahe nîşan dide ku îmana wî jî bê emsal e. Ha, fêm kir ku di xwediyê şerîeteke weha
