Kitaplar
Mektûbat

   A çaran: Dîrok û siyer nîşan didin ku bi tehqîqa muheqqîqan, mucîzeyên wî yên mîna ku wî artêşek, bi ava ku ji tiliyên wî hatine av daye 1  û li mizgeftê, di huzûra cemaeteke mezin de, kutekê hişk, bi neqilkirina mînberê, ji ber mufereqeta Ehmedî (e.sw.) mîna hêştirê naliyaye û giriyaye 2  û bi nessa

وَانْشَقَّ الْقَمَرُ

 tevî mucîzeya wî ya şeqqa qemerê, hejmara mucîzeyên wî, gihştiye heta hezarî.

   A pêncan: Bi îttîfaqa dost û dijminan, ehlê diqqetû însafê qet dudilî nake ku exlaqê hesene, di şexsê wî de, di dereceya herî bilind de ye û bi şahidiya hemû muameleyên wî, seciyeyên samî, di wezîfe û teblîxata wî de, di dereceya herî ‘alî de ye û bi şahidiya mehasinê exlaqî yên ku di dînê Îslamê de ne, ew di şerîeta xwe de, xîsalê hemîde yên herî ‘alî ye û ew di dereceya herî mukemmel de ye.

   A şeşan: Çawan ku di Îşareta Duduyan a Kelîmeya Dehan de hatiye îşaretkirin, di muqabilê ku Ulûhiyet, bi muqtezayê hikmetê, tezahurê dixwaze, di dereceya herî mezin de, Zatê Ehmedî (e.s.w.), bi ubûdiyeta di dînê xwe de, bi awayê ku di dereceya herî nûranî de ye nîşan daye.

   Hem li hember ku Xaliqê alemê, dixwaze cemala xwe ya têrkemalî, bi navgînekê, weke muqtezayê hikmet û heqîqetê nîşan bide, yê ku bi awayê herî xweşikî nîşan dide û tarîf dike, eyan beyan dîsan ew Zat e.

   Hem li hember ku Saniê alemê, dixwaze berê çavan bide ser kemala senetê xwe ya ku têrcemalî ye ku dixwaze teşhîr bike, yê ku bi sewta herî bilind delêlîtî dike, dîsan bilmuşahede ew Zat e.

   Hem li hember ku Rebbê temamê aleman, dixwaze ku di tebeqeya kesretê de, wehdaniyeta xwe îlan bike, yê ku di dereceya herî mezin de hemû mertebeyên tewhîdê îlan dike, dîsan bizzerûre ew Zat e.

   Hem li hember ku Sahibê alemê, dixwaze bi îşareta cemala têrbaş a di berhemên xwe de, husna zatê xwe ya bênihayet û mehasinên cemala xwe û letîfeyên husna xwe, weke muqtezayê heqîqet û hikmetê, li ser ayîneyan bibîne û nîşan bide, yê ku bi awayekî herî şe’şe’eyî ayînedarî dike û nîşan dide û hez dike û bi yên din dide hezkirin, dîsan bilbedahe ew Zat e.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599
Fihrist
Lügat