Parçeyekî Zeyla Mucîzeyên Ehmedî^(e.s.w.) Ye

   [ Li ser delîlên Rîsaleta Ehmedî (e.s.w.) û ji pirsa ku li ser muşkîla yekê ya ku ji her sê muşkîlên muhîm ên dawiya Esasê Sisiyan ê Rîsaleya Mîracê ne re bersiveke kurtebêjî ya bi ku awayê fihristeyeke muxteserî hatiye dayin e.]

   Pirs: Ev mîraca mezin, çima bi Muhemmedê Erebî Eleyhisselatu Wesselam ve mexsûs e?

   Bersiva Wê: Ev muşkîla we ya yekê, di Sî û Sê tene Kelîmeyan de bi berfirehî hatiye helkirin. Tenê li vê derê, em li ser kemalata Zatê Ehmedî (e.s.w.) û li ser delîlên Nubuweta wî û ku yê herî zêde layiqî wê mîraca mezin e ew e, bi awayê îşaretên îcmalî, fihristeyeke muxteser nîşan didin. Weha reng e:

   Pêşî: Kitêbên muqeddes ên mîna Tewrat, Incîl, Zebûrê, digel ku marûzî gelek texrîfan bûne jî, peve hê vî zemanî jî, muheqqîqekî mîna Huseynê Cisrî, li ser Nubuwweta Ehmedî (e.s.w.), ji wan kitêban, sed û deh mizgîniyên îşarî derxistiye û nîşanî Rîsaleya Hemîdî daye.

   A duduyan: Ji aliyê dîrokê ve musbet e ku dîrok neqil dike ku mîna beyanên du kahinên navdar ên mîna Şiq û Satîh, hinek beriya Nubuwweta Ehmedî (e.s.w.) li ser Nubuwweta wî hene ku gotine pêxemberê axirê zeman ew e gelek mizgîniyên mîna van, bi awayekî vekirî elam kiriye. ¹

   A Sisiyan: Şeva Weladeta Ehmedî (e.s.w.), bûyerên mîna suqûta sanemên li Ke’beyê û înşîqaqkirina Eywana ku saraya navdar a Kîsra ye, nuwazeyên bi sedan ku ji wan re îrhasat tê gotin, bi awayekî sehîh, di hêla dîrokê de, nav û deng dane. ²