Kitaplar
Mektûbat

Nexwe ne mîna kahinan û mîna wan ên ku ji xeybê xeber radigihandin, ne cin, ne erwah ne melaîke, belkî ji bilî Cibrîl(ew jî tê de), qendera Melekên Muqerrebîn bi xwe jî, nikarin têkilî agahdarkirinên Wî bibin. Hetta di zafê wextan de, hevalê xwe yê Hezretî Cibrîlî jî, carcaran li dû xwe dihêle.

   Asasê Şeşan: Hem Ew Zat (ê ku seyyidê melek, cin û beşerî ye), fêkiyê herî munewwer û mukemmel ê dara kaînatê û tîmsalê rehmeta îlahî û mîsalê muhebbeta rebbanî û burhanê herî munewwer ê Heqq û sîracê herî ronak ê heqîqetê û mifteha tilsimê kaînatê û keşşafê muemmayê xilqetê û şarihê hikmeta alemê û dellalê selteneta îlahî û wessafê mehasinê sen’etê rebbanî.. û ji aliyê camiiyeta îstîdatî ve Ew zat, enmuzecê herî mukemmel ê kemilînên di mewcûdan de ye. Ku wisan be, ev wesfên Wî zatî û şexsiyeta Wî ya me’newî, îşaret dike belkî nîşan dide ku Ew zat, illeta gaiyyeyî ya kaînatê ye, ango Xaliqê vê kaînatê, li Wî zatî nihêrtiye û kaînat xulq kiriye. Dikare (dibe ku) were gotin eger Wî Ew îcad nekira, dê kaînat jî îcad nekira. Belê, Heqîqetên Qur-anî ku ji cin û insî re aniye û nûrên îmanî û exlaqê alî û kemalên samî ku di zatê Wî de dixuyên, ji vê heqîqetê re şahidê qat’ in.   

   Asasê Heftan: Hem Wî burhanê Heq û sîracê Heqîqetê, dîn û şerîeteke wisan nîşan daye ku di wan de, distûrên ku seadeta her du cîhana temîn dikin hene. Û tevî ku wisan e, heqîqet û wezîfeyên kaînatê û esma û sifetên Xaliqê kaînatê, bi heqqaniyeteke kemilî beyan kiriye. Ha ew Îslam û şerîet, bi awayekî wisan muhît û mukemmel e û bi tehereke wisan kaînatê digel xwe tarîf dike, yê ku baş bala xwe bide mahiyeta Wî, helbet dê fêm bike ku ew dîn, beyan-nameyeke Zatekî ye ku wî ev kaînata xweşik çê kiriye da ku pê vê kaînatê tevî xwe tarîf bike û tarîfeya Wî bi xwe ye. Çawan ku hostayê serayekê, tarîfeyeke ku minasibê wê kaînatê be çê dike, ji bo ku xwe bi tevî wesfên xwe bide nîşandan, tarîfeyekê digre qelemê, wisan jî di dîn û şerîeta Muhemmedî (e.s.w.) de îhateyek, ulwîtiyek, heqqaniyetek dixuyê û pê nîşan dide ku ev, ji qelema yê ku kaînatê dixuliqîne û tedbîr dike derketiye û yê ku kaînatê bi awayekî xweşik tenzîm dike kî be, yê ku vî dînî bi xweşikî tenzîm dike jî, Ew e. Belê, ew kemilîtirîn nîzam, helbet vê cemîltirîn nezmê divê.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599
Fihrist
Lügat