Kitaplar
Mektûbat

wan dike û bi awayekî ku rika wan tehrîk bibe, meydan xwend û digot: “Ji ummiyekî mîna Muhemmed-ul Emîn, nazirê vê Qur-anê çê bikin û nîşan bidin. Haydê hûn nikarin vê bikin, ew zat, bila ne ummî be, bila têra xwe alim û katib be. Haydê (baş e) hûn nikarin vî jî bikin, bila zatekî tenê nîn be, bila hemû alimên we, belîxên we bicivin, bila bi hev re alîkariyê bikin... Hetta Îlaheyên we yên ku hûn bi wan bawer in, bila bi we re alîkariyê bikin. Haydê hûn dê bi vî jî nikaribin bikin, ji berhemên belîx ên ku berê hatine nivîsandin jî îstîfade bikin û hetta yên ku dê bên jî, hawarî gaziya xwe bikin û nazirê Qur-anê nîşan bidin, çê bikin. Haydê hûn nikarin vî jî bikin, bila ne ji mecmuaya Qur-anê re be, tenê nazirê deh sûreyên wê bînin. Haydê hûn nikarin li hember deh sûreyên wê nezîreyeke heqîqî, bi awayekî rastî bînin, baş e, haydê ji çîrokan, ji qiseyên bêbingeh terkîb bikin. Tenê bila ji nezm û belîxiya wê re nezîre be, bînin. Haydê hûn nikarin vî jî bikin, nezîreya tek yek sûreyekî bînin. Haydê bila sûre ne dirêj be, bila sûreyekî kurt be, jê re nezîre bînin. An na dê dîn, can, mal, iyalên we, li dinya û axretê jî bikeve talûkeyê.

   Ha, di heşt tebeqeyan de, bi awayê îlzamê, Qur-ana Hekîm, ne serê bîst û sê salan; belkî serê hezar û sê sed salan e li hember hemû îns û cinan ev meydan xwendiye û vê meydanê dixwîne. Hal ku hal e, zemanê berê, wan kafiran can, mal û iyalên xwe avêtin talûkeyê; rêya herî bidehşet ku rêya herbê ye, tercîh kirin, îca rêya muarezeyê ku rêya herî hêsa û kurt e terk kirin. Nexwe rêya muarezeyê ne mimkun bû.

   Ha, tu aqil, nexasim mirovên wê hingê yên Cezîret-ul Ereb, nexasim mirovên weke Qureyşiyan, tew yek edîbekî wan, ka dev ji rêya herî kurt û hêsa ku tenê ji yek sûreyekî Qur-anê re nezîre bîne û ku pê ji êrîşa Qur-anê xelas bibe, berdide û can, mal û iyalê xwe davêje talûkeyê û sulûkî wê rêya herî bimuşkîle dike gelo? Elhasil, Mîna Cahizê Navdar ku dibêje: “Muarezeya bilhurûf ne mimkun bû; mecbûrî muherebeya bissiyuf bûn.”

   Eger were gotin: Hin ji alimên muheqqîq gotine “Ne bi yek sûreyekî Qur-anê re, tew bi yek ayeteke wê re hetta bi tek yek cumleyeke wê re, hetta bi tek yek kelîmeyeke wê re muareze nayê kirin û nehatiye kirin.” Ev gotin, weke mubalexe tê dîtin û aqil qebûl nake. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599
Fihrist
Lügat