ÎŞARETA HIJDEHAN: Mucîzeyeke herî mezin û ebedî ya Resûlê Ekrem (e.s.w.) ku bi sedan delîlên nubuwwetê di xwe de dihewîne û bi çil awayî î’caza wê hatiye îspatkirin jî Qur-ana Hekîm e. Eve kelîmeya Bîst û Pêncan ku li ser beyana wê mucîzeya ekber e, bi nêzî sed û pêncî rûpelî, çil wechê î’caza wê bi kurtî beyan û îsbat kiriye. Nexwe em, vê mucîzeya e’zem ku mexzena mucîzeyan e, hewaleyî wê kelîmeyê dikin û em dê du-sê nukteyan beyan bikin.
Nukteya Yekê: Eger were gotin: Î’caza Qur-anê di belaxetê de ye. Hal ku hal e, heqqê hemû tebeqeyan heye ku di î’caza wê de para wan hebe. Hal ku hal e, î’caza wê ya di belaxetê de, ji hezarî ancax alimekî muheqqîq dikare fêm bike.
Bersiva Wê: Î’caza Qur-ana Hekîm, li hember her tebeqeyî bi awayekî ji awayan heye. Û bi awayekî ji awayan, wicûda î’caza xwe bi wan dide hisandin. Mesela: î’caza xwe ya di belaxeta nuwaze de, nîşanî ehlê belaxet û fesahetê (belîxî û fesîhiyê) dide. Û î’caza xwe ya xerîv, xweşik; şêwaza bedî’ ya bilind nîşanî tebeqeya ehlê şiîr û xîtabetê dide. Digel ku ew şêwaz, li xweşa her kesî diçe jî, tu kes nikare teqlîd bike. Derbasbûna zeman, wê şêwazê pîr nake; daîma cîwan û teze ye. Nezmekî wisan muntezem ê nesir û mensûr e ku him a’lî ye him şêrîn e. Him î’caza wê ya nuwaze ya di îxbarên xeybî de nîşanî tebeqeya kahîn û kesên ji xeybê xeber didin dide.
Î’caza xwe ya di îxbar, bûyerên umûmê salif-û hal û bûyerên îstîqbalî û berzexî û axretî de ku di Qur-anê de hene, nîşanî tebekeya ehlê tarîxê û alimên ku bûyerên âlemê dişopînin dide. Î’caza xwe ya di distûrên qudsî yên Qur-anê de, nîşanî tebeqeya alimên îçtîmaî yên (sosyolog-civaknas) beşerî û tebeqeya ehlê siyasetê dide. Belê, şerîeta kubra ku ji Qur-anê derdikeve, wê sirra î’cazê nîşan dide. Hem î’caza heqîqetên qudsî yên îlahî ku di Qur-anê de ne, nîşanî tebeqeya kesên ku bi marîfetên îlahî û heqîqetên kewnî tewexxul dikin dide. Yan jî wucûda(hebûna) î’cazê, bi wan dide hisandin. Û Qur-an, îcaza sirrên ayetên xwe ku mîna behrekê, daîma di temewwicê de ye, nîşanî ehlê terîqet û welîtiyê dide. Û mîna wan…
