Serê sibeha şeva Mîracê, Wî Qureyş bi Mîraca xwe hisand. Qureyşiyan ew tekzîb kir. Gotin: “Eger tu çûbiy Beyt-ul Muqeddesê, derî û dîwar û rewşa Beyt-ul Muqeddesê ji me re tarîf bike!” Resûlê Ekrem Eleyhisselatu Wesselam ferman dike ku:

فَكَرَبْتُ كَرْبًا لَمْ اَكْرُبْ مِثْلَهُ قَطُّ فَجَلىّ اللّٰهُ لِى بَيْتَ الْمَقْدِسِ وَكَشَفَ الْحُجُبَ بَيْنِى وَبَيْنَهُ حَتّٰى رَاَيْتُهُ فَنَعَتُّهُ وَاَنَا اَنْظُرُ اِلَيْهِ

   Ango “Ez ji ber tekzîb û pirsên wan gelek zêde acis bûm. Heta acisiyeke wisan bû ku tu carî ez ew qas acis nebûbûm. Ji nişkan ve Cenabê Heq, Beyt-ul Muqeddes nîşanî min da; min jî li Beyt-ul Muqeddesê dinihêrt û yek bi yek her tiştî tarîf dikir.” Ha wê gavê Qureyşiyan dît ku bi rastî behsa Beyt-ul Muqeddesê bi awayekî rêkûpêkî dike. ¹

   Hem Resûlê Ekrem Eleyhisselatu Wesselam li Qureyşiyan ferman kiriye ku: “Gava di rê de diçûm, min qafîleyeke we dît; dê qafîleya we, sibê filan wextê were.” Ew jî di wê gavê de li benda hatina qafîleyê man. Qafîle, saeteke bi derengî ketiye. Ji bo ku agahdarkirina Resûlê Ekrem Eleyhisselatu Wesselam rast derbikeve, bi tesdîqa ehlê tehqîqê, rojê, saetekê teweqquf kiriye. ²  Ango ji bo ku erd, gotina wî rast derîne, wezîfeya xwe, seyaheta xwe, saetekê tatîl kiriye û wê, ew tatîla xwe, bi sukûneta rojê nîşan daye. Eve ji bo tesdîqa tek yek gotineke Muhemmedê Erebî Eleyhisselatu Wesselam, erda qerase, wezîfeya xwe terk dike, roja qerase dibe guvah(şahid). Fam bike yê ku zatekî weha tesdîq neke û li fermanên wî guhdarî neke, çi qas bêbext e û yên ku wî tesdîq dikin û ji fermanên wî re

سَمِعْنَا وَاَطَعْنَا

dibêjin çi qas bextiyar in,

اَلْحَمْدُ لِلّٰهِ عَلَى اْلاِيمَانِ وَاْلاِسْلاَمِ

 bibêje.