me’ewî ku wî agahî li ser rîsaleta Ehmedî Eleyhisselatu Wesselam daye û ev yek gelek caran aniye zimên. 1
A duduyan: Kahinê bi navê Satih ê Şamê yê navdar e ku kahinekî bêhestî bû ye û mîna wicûdeke bêaza bûye, rûyê wî di nav singê wî de, wisan acûbeyê xilqet bûye û wisan zêde jî jiyaye. Agahiyên wî yên rast ku ji xeybê dida, wê hingê di nav mirovan de, deng dabûye. Hetta Kîsra ( ku padîşahê Farsê ye) xewna xwe ya ecêb ku dîtiye, di wextê welidîna Ehmedî (e.s.w.) de, sirrê ketina çardeh şerefeyên seraya xwe, ji bo ku ji Satihî bipirse, navbendkarekî xwe yê alim ku jê re Mubezan dihat gotin, şandiye. Satihî gotiye: “Çardeh zat, dê li ba we hukm bikin; peyre selteneta we, dê mehû bibe. Hem dê yek were; dînekî îzhar bike. Ha ew, dê dîn û dewleta we (ji holê) rake!” û bi vî awayî ji Kîsrayî agahî şandiye. Ha vî Satihî, bi zelalî wan bi hatina pêxemberê axirê zeman agahdar kiriye. 2
Hem ji kahinan, kahinên binavûdeng ên mîna Sewad Ibnî Qerîb-id Dewsî û Hunafîr û Ef’a Necran û Cizl Ibnî Cizl-il Kindî û Ibnî Xelaset-ed Dewsiy û Fatima Bintî Nu’manê Necarî, tevî ku di kitêbên siyer û dîrokê de, bi berfirehî beyan kirine, agahî dane ku pêxemberê axirzeman dê were û diyar kirine ku ew pêxember jî, Muhemmed Eleyhisselatu Wesselam e. 3
Hem Se’d Ibnî Bint-î Qureyz ku ji eqrebayên Hezretî Osman e, bi rêya kahiniyê, ji xeybê, li ser Nubuwweta Resûlê Ekrem Eleyhisselatu Wesselam agahî girtiye. Di destpêka Îslamê de, ji Hezretî Osmanê Zînnûreynî re gotiye ku: “Tu here îman bike.” Osman wê hinga destpêkê hatiye; îman kiriye. Ha ew Se’d, wê bûyerê, bi helbesteke weha dibêje:
