Ha ev ayet, bi tehereke pir aşkera, Fexrê Alem Eleyhisselatu Wesselam tewsîf dike. Gelo piştî Dawid Eleyhisselam, ji bilî Muhemmedê Erebî Eleyhisselatu Wesselam, kîjan nebî hatiye ku dînê xwe ji şerqê heta xerbê neşir kiriye û milûkan bi cizyeyê girêdaye û mîna ku padîşah jê re secde bikin, kiriye bin inqiyadê û her roj, selewat û duayên ji pêncan yekê mirovahiyê qezenc kiriye û nûrên Wî, ji Medîneyê biriqîne, ka kî heye? Ka tê nîşandan(kî dikare nîşan bide)?
Hem Babê Çardehan û ayeta Siyan a Incîla Yuhenna ya bi tirkî ev e: “Êdî bi we re zaf napeyivim, lewra reîsê vê alemê tê. Û li ba min, tiştê Wî, jibinî tune.” Ha tabîra “Reîsê Alemê”, bi me’neya “Fexrê Alemê” ye. Unwana Fexrê Alemê jî, unwana herî navdar a Muhemmedê Erebî Eleyhisselatu Wesselam e.
Dîsan Babê Şazdehan û ayeta Heftan a Incîla Yuhenna ev e: “Herçî ez im, ji we re heqqiyê dibêjim. Çûyina min, ji we re bi feyde ye. Lewra heta ez neçim, tesellîkar, ji we re nayê.” Eva binihêrin! Reîsê Alemê û yê ku teselliya heqîqî dide mirovan, ji xeynî Muhemmedê Erebî Eleyhisselatu Wesselam, ka kî ye? Belê, Fexrê Alemê Ew e û yê ku mirovên fanî ji îdama ebedî xelas dike û teselliyê didê, Ew e.
Hem Babê Şazdehan û ayeta Heştan a Incîla Yuhenna: “Ew jî gava tê, dê dinyayê ji aliyê gunehan ve, ji aliyê selahê ve û ji aliyê hukmî ve îlzam bike.” Eve yê ku fesada dunyayê werdigerîne selahê û ji guneh û şirkê xelas dike û siyaset û hakimiyeta dinyayê diguherîne, ji xeynî Muhemmedê Erebî Eleyhisselatu Wesselam, ka kî hatiye?
Hem Babê Şazdehan û ayeta Yazdehan a Incîla Yuhenna: “Lewra hukmê hatina Reîsê vê alemê hatiye.” Ha “Reîsê Alemê” (Haşiye) helbet Ehmedê Muhemmed Eleyhisselatu Wesselam e ku Seyyid-ul Beşer e.
Hem Babê Diwazdehan 1 û ayeta Sêzdehan a Incîla Yuhenna:
