Bûyera Sisêyan: Bûyera Cemelê ye ku bi pênc – şeş terîqan, ji sehabiyên muhîm hatiye neqilkirin ku terîqên muteeddîd ên mîna Ebû Hureyre û Se’lebe Ibnî Malik û Cabir Ibnî Ebdullah û Ebdullah Ibnî Cafer û Ebdullah Ibnî Ebî Ewfa û sehabiyên serekên wan terîqan bi muttefiqî radigihînin ku “Hêştir hatiye, mîna ku ji Resûlê Ekrem Eleyhisselatu Wesselam re ji bo tehiyyeya îkramê here secdeyê û pê re peyiviye. Bi ser de jî di çend terîqan de tê ragihandin ku “Ew hêştir, li nav rezekî hêrs bûye, kovî bûye, nehiştiye tu kes nêzî wê bibe, êrîş dikir(iye). Resûlê Ekrem Eleyhisselatu Wesselam hat, hêştir hat, bi îkramî çû secdeyê, li balê kir ixînî. Resûlê Ekrem Eleyhisselatu Wesselam, hevsarê wê xist situyê wê. Hêştirê ji Resûlê Ekrem Eleyhisselatu Wesselam re got: “Wan ez di gelek karûbarên giran de dam xebitandin; niha jî dixwazin min serjê bikin. Ji ber wê ez jî hêrs bûm.” Ji xwediyê hêştirê pirsî: “Rast e?” Gotin: “Erê.” ¹

   Hem hêştira bi navê Edba ya Resûlê Ekrem Eleyhisselatu Wesselam, piştî wefata Nebewî ji kedera xwe, ne xwar ne jî vexwar; heta ku mir. Hem hin îmamên muhîm ên mîna Ebû Îshaqê Esferanî radigihînin ku ew hêştir bi Resûlê Ekrem Eleyhisselatu Wesselam re li ser qisseyeke muhîm peyiviye. ²  Hem bi neqla sehîh, hêştira Cabir Ibnî Ebdullah, di seferekê de zaf westiyabû, êdî nedikariya bimeşiya. Resûlê Ekrem Eleyhisselatu Wesselam, bi awayekî hêdî ew hêştir daf da; wê hêştirê ji îltîfata Ehmedî çelengiyeke wisan, dilşadiyeke wisan girt ku êdî kesî nedikariya bi destgîna wê bigirta û di rê de bigihîştayê. ³  Hezretî Cabir radigihîne.

   Bûyera Çaran: Di serî de Îmamê Buxarî, eimmeyê hedîsê radigihînin ku “Carekê, bi şevê agahiyeke muhîm belav bû, mîna ku ji derveyê Medîneya Munewwer, dijmin êrîş dike. Peyre siwariyên wêrek derketin çûn. Bi rê de dibînin ku zatek tê. Nihêrtine ku Resûlê Ekrem Eleyhisselatu Wesselam e. Ferman kir(iye): “Tiştek tune.” Li hespê binavûdeng ê Ebû Telhe siwar bûye, ji ber şecaeta xwe ya qudsî,