ÎŞARETA PANZDEHAN: Çawan ku kevir, dar, qemer, roj, wî nas dikin, her yek jê mucîzeyeke wî nîşan dide û nubuwweta wî tesdîq dike, wisan jî taîfeya heywanan, taîfeya miriyan, taîfeya cinan, taîfeya melekan, wî zatê mubarek nas dikin û nubuwweta wî tesdîq dikin ku ew her yek taîfe, bi nîşandana hin mucîzeyên wî, wî raberî çavan dide û tesdîqa nubuwweta wî îlan dike. Sê şû’beyên Îşareta Panzdehem hene:

   Şûbeya Yekê: Cinsê heywanan, Resûlê Ekrem Eleyhisselatu Wesselam, nas dikin û mucîzeyên wî îzhar dikin. Gelek mînakên vê şû’beyê hene. Em, dê li vê derê, tenê çend cûre bûyerên navdar û ku di dereceya tewatura me’newî de bûne qet’î yan jî bûne meqbûlê muheqqîqînê eimme yan jî ku ummetê ew telaqqiyê bilqebûl kirine, weke nimûne zikir bikin.

   Bûyera Yekê: Bi şohreteke ku di dereceya tewatura me’newî de ye, gava ku Resûlê Ekrem Eleyhisselatu Wesselam, digel Ebû Bekir-is Siddîq, ji bo ku ji şopandina kafiran xelas bibin, xwe li Şikefta (xara) Hîrayê digrin, li ber deriyê wê, du kevok, mîna du pawanan radiwestin û pîrepind jî, nola perdedarekî, bi awayekî nuwaze, deriyê şikeftê, bi konekî stûr dihûne. Hetta ji giregirên Qureyşiyan Ubeyy Ibn-î Xelef ku bi destê Resûlê Ekrem Eleyhisselatu Wesselam, di Xezweya Bedirê de tê kuştin, li şikeftê nihêrtiye. Hevalên wî gotiye: “Em bikevin şikeftê.” Wî gotiye: “Em dê çawan bikevinê? Ez li vê derê konekî pîrepindê dibînim ku wisan dixuyê, mîna ku ev kon, berî welidîna Hezretî Muhemmed hatiye çêkirin. Ev her du kevok, ha wan e li wê derê sekinî ne, eger mirov hebe li wê derê, ka ew wisan li wê derê disekinin?” ¹   Ha mîna vêya, Îmamê Celîl Ibn-î Weheb neqil dike ku di fetha Mekkeyê de, taîfeya mubarek a kevokan, li ser serê Resûlê Ekrem Eleyhisselatu Wesselam, sî çê kirine. ²

   Hem bi neqla sehîh, Hezretî Eyşeya Siddîq xeber dide ku “Mîna kevokê, çivîkeke ku jê re Dacîn dihat gotin, li mala me hebû. Eger Resûlê Ekrem Eleyhisselatu Wesselam, li malê hazir bûya, hîç xwe tev nedida;