Tenê ew fîdana ku yekî danîbû, fêkî neda. Resûlê Ekrem Eleyhisselatu Wesselam, ew derxist; ji nû ve danî. Wê jî fêkî da. Hem tûka devê xwe, bi zêrekî ku bi qasî hêka tûtikê bû ve xist, dua kir; da Selmanî. Got: “Biçe bide Yahûdiyan.” Selamanê Farisî çû û ji wî zêrî, çil okkiye da wan. Ew zêrê ku bi qasî hêka tûtikê bû, mîna berê baqî ma. 1 Ha ev bûyer, bûyereke herî muhîm a mûczekarayî ya serguzeşta heyata Hezretî Selamanê Pak e. Îmamên mûteber û mewsûk xeber dane.
Ya Sisêyan: Sehabiyekî bi navê Umm-u Malik, ji tulûmekî jê re “Ukke” dihat gotin, rûn ji Resûlê Ekrem Eleyhisselatu Wesselam re hediye dikir. Carekê Resûlê Ekrem Eleyhisselatu Wesselam, jê re dua kiriye û ukkeyê dayêye; ferman kiriye: “Wî vala nekin û neguvêşin.” Umm-u Malik, ukke girtiye. Çi gava ku zaroyên wî rûn dixwest, bi bereketa duaya Nebewî, wan di ukkeyê de rûn didîtin. Gelek dem bi ser de derbas bû. Peyre guvaştin, bereket biriya. 2
Mînaka Heftan: Gelek bûyer li ser wan avên ku Resûlê Ekrem Eleyhisselatu Wesselam, dua kiriye û destê xwe pê kiriye û av şîrîn bûye û bêhneke xweş jê hatiye hene. Em du-sê teneyan weke nimûneyan beyan dikin:
Ya yekê: Îmamê Beyhaqî di serî de, ehlê hedîsê xeber didin ku ava bîra ku jê re “Bîra Kuba” digotin, carcaran diçikiya. Ango diqediya. Piştî ku Resûlê Ekrem Eleyhisselatu Wesselam, ava destnimêja xwe berdayê û dua kir, bi awayekî zafî dewam kir; êdî hew biriya/çikiya. 3
Ya duduyan: Di serî de Ebû Nûaym, di delîlên Nubuwwetê de, ehlê hedîsê xeber didin ku Resûlê Ekrem Eleyhisselatu Wesselam, tûka xwe dakiriye bîra ku li mala Enes bû û dua kiriye, di Medîneya Munewwer de, ava herî şîrîn, ew bûye av. 4
