Ya duduyan: Di Xezweya Kubra ya Bedirê ku menbaya xeribiyan e de, gava ku Uqqaşe Ibn-il Muhessini-il Esedî, bi muşrîkan re şer dikir, şûrê wî şikiya. Resûlê Ekrem Eleyhisselatu Wesselam, di ciyê şûr de, şiveke sitûr dayê. Got: “Bi vê herbê bike.” Ji nişkan ve şiv, bi îzna Ellah, bû şûrekî dirêj û sipî. Pê herb kir. Heta ku li heyatê bû, heta ku di herba Yemameyê de şehîd ket, di sitûyê xwe de hişt. Ev bûyer qet-î ye. Lewra Uqqaşe, di temamê heyata xwe de pê îftîxar kiriye û ew şûr, bi navê “el-ewn” navûdeng daye. 1 Ha, ev îftîxara Hezretî Uqqaşe û şûrê wî ku bi navê “ewn”, raserî şûran deng dide, du huccetên vê bûyerê ne.
Ya Sisiyan: Ji ellameyekî mîna Ibnu Ebd-il Berr û ji mezinên ehlê tehqîqê neqil û teshîh dikin ku di Xezweya Uhudê de, şûrê Ebdullah Ibnî Cehş ku kurmetê Resûlê Ekrem Eleyhisselatu Wesselam e, gava herbê dike, dişkê. Resûlê Ekrem Eleyhisselatu Wesselam darek dayê. Ew dar, di destê wî de bû şûr; pê herb kir. Ew şûrê ku eserê mucîzeyê bû, baqî ma. 2 Ibnu Seyyîd-in- Nasê navdar, di siyera xwe de radigihîne ku piştî zemanekî, Ebdullah, ew şûr, bi du sed lîrayan firot mirovekî bi navê Bû€ayê Turkî. 3 Eve ev şûr mîna asaya Mûsa, her yek jê mucîzeyek wî ne. Îca asaya Mûsa, piştî wefata Mûsa, wechê îcaza wê nema; lê belê ev baqî man.
ÎŞARETA SÊZDEHAN: Cureyekî hem mutewatir hem ê ku mînakên wê gelek zaf in ji mucîzeyên Ehmedî Resûlê Ekrem Eleyhisselatu Wesselam ew e ku nexweş û birîndar, bi nefesa wî ya mubarek şîfa dibînin. Ev cure mucîzeyên Ehmedî Resûlê Ekrem Eleyhisselatu Wesselam, ji aliyê new-‘î ve, manewî mutewatir e. Cuz-ên wê, qismekî wê jî, di hukmê mutewatira manewî de ye. Îca qismê wê yên din ê ehedî, ji ber ku îmamên mudeqqîq ên ilmê hedîsê, ew teshîh û texrîc kirine, qenaeta ilmî dide. Em jî, dê ji mînakên wê yên gelek zêde, çend mînakan zikir bikin.
Mînaka Yekê: Ellameyê Mexrîb Qadî Iyaz, di Şîfaya Şerîfa xwe de, bi eneneyeke ulwî û bi terîqên muteeddîd, diyar dike ku
