di pêş de ya biçûk wê bibe piçek ji ya mezin. Dojeha biçûk di binê erdê de, ango di tewereya (merkez) erdê de ye. Binê erdê tewereya wê ye. Li gorî zanista erdnasiyê (jeolojî) tête zanîn ku di her sih û sê mîtro kolîna erdê de pileyeke germahiyê zêde dibe. Nexwe, ji ber ku heta tewereya wê nîveşkêl (nîvçap) şeşhezar qisûr kîlomêtro ye ev dibe dused hezar pile germahî, ango agirek dused qatî ji yê dinyayê germtir e, ku ev jî li gorî rîwayeta hedîsê ye. ¹  Dojeha Biçûk hem di dinyayê de hem jî di Alema Berzexê de gelek erkên Dojeha mezin bi cî aniye, ku hedîs jî îşaretî vê dikin. Wek çawa dinya dê di alema axretê de niştecihên xwe deyne meydana heşrê ya gera xwe ya salane, wisa jî dê bi fermana Xwedê wê Dojeha biçûk ya di hundirê xwe de ye jî radestî dozexa mezin bike.

   Hin îmamên ehlê Î’tîzale gotibin ku “Dojeh paşê dê bête afirandin” jî ev çewt e, debengî ye. Lewra ji ber ku vê gavê hêja tam venebûye û ji bo yên têkevin tê de bi awayekî tam ne amade ye… Hem heta em wan qonaxên alema axretê yên di bin perdeya xeybê de ne bi çavên xwe yên dinyayê bibînin yan divê em gerdûnê biçûk bikin û bînin dereceya du bajaran, yan jî divê em çavê xwe mezin bikin, ango divê hin çavên me yên qasî stêran hebin heta em karibin cihê wan bibînin.

وَالْعِلْمُ عِنْدَ اللّٰهِ

  Qonaxên alema axretê bi van çavên me yên dinyayê nayên dîtin. Bes hin rîwayet îşaretî wê çendê dikin ku pêwendiya Dojeha li axretê bi vê dinyaya me re heye. Der barê germahiya dijwar ya havînê de 

مِنْ فَيْحِ جَهَنَّمَ

 hatiye gotin. Nexwe ji ber ku çavê aqil yê vê dinyayê hem biçûk e hem jî qels e bi vî çavî ew Dojeha mezin nayê dîtin.  Bes em dikarin bi nûra îsmê (navê Xwedayê) Hekîm lê binêrin. Wisa ku:

   Dojeha mezin ya di bin gera dinyayê ya salane de ye, heçko Dojeha biçûk ya di tewereya erdê de ye ji xwe re kiriye wekîl û hin karan pê dide kirin. Mulkê Qadirê Zulcelal gelek û gelek fireh e.