ÎŞARETA NEHAN: Ji cureyên mucîzeyên Resûlê Ekrem Eleyhisselatu Wesselam yek jî jê ew e ku dar ( û ber )an, mîna mirovan li emrê wî guhdarî kiriye û ji ciyê xwe rabûne hatine balê ku ev mucîzeya şecerî, mîna mucîzeya ji tiliyên wî herikîna avê, ji aliyê me’newî ve mutewatir e. ¹  Awayên muteeddîd hene û bi gelek terîqan hatine.

   Belê, dikare were gotin û bi serîhî mutewatir e ku dar, ji ciyê xwe derketiye û hatiye balê. Lewra ji sehabiyên navdar ên siddîqîn ên mîna Hezretî Elî, Hezretî Ibnî Ebbas, Hezretî Ibnî Mesûd, Hezretî Ibnî Emer, Hezretî Ye’le Ibnî Murre, Hezretî Cabir, Hezretî Enes Ibnî Malik, Hezretî Bureyde, Hezretî Usame Bin Zeyd û Hezretî Geylan Ibnî Selem, her yek ji wan, bi qet-îtî heman mucîzeya şecerî ragihandiye. Bi sedan îmamên tabiîn, ji sehabiyên ku navên wan hatin behskirin, ji her yek sehabiyî, bi terîqeke cihê ew mucîzeya şecerî neqil kiriye, eynî mîna di sûretê tewatura muzaef de, ji me re neqil kirine. Ha, ev mucîzeya şecerî, di hukmê tewatureke me’newî ya qet-î ku tu gumanî qebûl nake de ye. A niha em dê bi çend mînakan, çend awayên wan ên sehîh ên wê mucîzeya kubra, digel ku hatine dubarekirin jî,  beyan bikin.

   Mînaka Yekê: Di serî de Îmamê Ibnî Mace û Darimî û Îmamê Beyheqî, bi neqla sehîh, ji Hezretî Enes Ibnî Malik û ji Hezretî Elî û Bezzaz û Îmamê Beyheqî, ji Hezretî Emer radigihînin ku sê sehabiyan gotiye: Resûlê Ekrem Eleyhisselatu Wesselam, ji tekzîba kuffar, muteessîr û mehzûn bû, got:

يَارَبِّ اَرِنِى اٰيَةً لاَ اُبَالِى مَنْ كَذَّبَنِى بَعْدَهَا

 Di rîwayeta Enes de, Hezretî Cebraîl hazir bû. Li kêleka gelî(şewl), darek hebû. Bi îlama Hezretî Cebraîl, Resûlê Ekrem Eleyhisselatu Wesselam gazî wê darê kir, heta hat balê. Peyre got:”Biçe.” Dîsan çû, li şûna xwe bi cî bû. ²