li dij derewê, ne îmkan e ku sukût bikin. Madem sukût kirin, wan ew agahî qebûl kirin, nexwe ji aliyê me’newî ve iştîrak dikin û tesdîq dikin.

   Mînaka Sisêyan: Di Xezweya Buwatê de, dîsan di serî de Buxarî, Muslîm û kitêbên sehîh beyan dikin:

   Hezretî Cabir got ku: Resûlê Ekrem Eleyhisselatu Wesselam ferman kir: 

نَادِ بِالْوُضُوءِ

 “Ji bo destnimêjgirtinê bang bike.” Hat gotin “Av tune.” Resûlê Ekrem Eleyhisselatu Wesselam got: “Hinek avê bibînin.” Me aveke pir hindik anî. Peyre, destê xwe danî ser wê ava hindik, hin tişt xwend, min nezanî çi bû. Peyre ferman kir:

رِدْنَا بِجَفْنَةِ الرَّكْبِ 

ango “Teşta mezin a qafîleyê biêne.” Wan ji min re anî; min jî anî danî ber Resûlê Ekrem Eleyhisselatu Wesselam. Wî jî destê xwe xistê, tiliyên xwe vekir. Min ew ava hindik, bi ser destê wî yê mubarek de dirêt. Min dît ku ji tiliyên wî yên mubarek, bi zafî av herikî, peyre teşt tije bû. Min bang li yên muhatcî avê bûn kir. Hemû hatin, ji wê avê destnimêj girtin û vexwarin. Min got: Êdî kes nema ?” Destê xwe rakir; ew cefne (ango tekne/curn) heta ber dev tije ma. ¹

   Ha, ev mucîzeya bahir a Ehmedî (e.s.w.) ji aliyê me’newî ve mutewatir e. Lewra, Hezretî Cabir, ji ber ku di wî karî de pêşawa bû, gotina pêşî, heqqê wî ye; ew li ser navê hemûyan îlan dike. Lewra wê gavê yê ku xizmetê dikir, ew zat bû; îlan, serê ewil heqqê wî ye. Ibnî Mesûd jî eynî di rîwayeta xwe de dibêje ku: “Min dît ku ji tiliyên Resûlê Ekrem Eleyhisselatu Wesselam, mîna kaniyê av diherike.” ²  Gelo eger cemaeteke mîna Enes, Cabir, Ibnî Mesûd ku sehabiyên navdar ên siddîq in bibêje “Min dît”, ka mimkun e ku nedîtibe?

   A niha van sê mînakan bigihîne hev, bibîne ka mucîzeyeke çi qas bahir e.. û eger sê terîq bigihîjin hev, di hukmê tewatura heqîqî de, bi awayekî qet-î îsbat dike ku ji tiliyên wî av herikiye. Hezretî Mûsa eleyhisselam ku ji kevirî, duwazdeh çavî av mîna kaniyê daye herikandin,