يَسْبِقُ عُضْوٌ مِنْهُ اِلَى الْجَنَّةِ
agahî daye ku dê uzwekî Zeyd, berî Zeyd şehîd bikeve. Piştî çendakî, di herba Nîhawendê de, milekî wî jê bûye. Wer dixuyê ku serê pêşî ew dest şehîd bûye û çûye Cennetê.
Eve ev hemû umûrê xeybî ku me behsa wan kir, tenê yek cureyekî ji deh qisim cureyên mucîzeyên wî ne. Me, yek qismekî ji wî deh qismê wî cureyî negot. A niha digel vî qismî, me di Kelîmeya Bîst û Pêncan de ku li ser îcaza Qur-anê ye, çar cureyên îxbarê xeybî ya wî ya pir fireh, bi îcmalî beyan kirine. Ha, tevî vî qismê vê derê, li ser wan çar qismên ku bi zimanê Qur-anê ji xeybê agahî hatine dayin, bifikire. Bibîne ku burhanekî çi qas qet-î, bêgumanî, ronak, biqewet, qewî yê rîsaletê ye ku eger yên ku bi temamî dil û aqilê wam xera nebûye, helbet dê îman bikin ku zatê Ehmedî Eleyhisselatu Wesselam, resûlê Zatekî Zulcelal ê ku Xaliqê Kullî Şey e û Ellam-ul Xuyub e û ji Wî agahî digre.
ÎŞARETA BINUKTE YA HEFTAN: Em dê îşaretî çend mînakên qet-î û ku ji aliyê me’newî ve mutewatir in û ji qismê xusûsiyetên bereketa teamî yên Mucîzeyên Nebewî ne, bikin. Beriya behsê, munasib e ku muqeddîmeyek were dayin.
Muqeddîme: Ev mînakên bibereket ên mucîzeyan ku dê werin, her yek ji wan, bi gelek rêyan, hetta hin ji wan, bi şanzdeh rêyan û bi awayekî sehîhî hatine neqilkirin. Piraniya wan, di huzûra cemaeta mezin de qewimîne; mirovên muteber û sadiq ên wê cemaetê, behsa wan kirine û ew neqil kirine. Ji bo nimûneyê, tê neqilkirin ku “Heftê mirovî, ji çar çeng teamê ku navê wê Sa‘e, xwariye, têr bûne.” 1 Ew heftê mirov gotina wî dibihîsin; tekzîb nakin. Nexwe bi sukûtê tesdîq dikin. Hal ku hal e, di wî esrê sidq û heqîqetê de û ew sehabiyên ku mirovên heqperest û ciddî û rast in, gava bi qasî zerreyê jî derewê bibînin, red û tekzîb dikin. Hal ku hal e, bûyerên ku em dê behsa wan bikin, gelekan ew rîwayet kirine û yên din jî, bi sukûtê ew tesdîq kirine. Nexwe her yek bûyerek, mîna ku ji aliyê me’newî ve mutewatir be, qet-î ye.
