ku li ser umûrê xeybî ne, ji du vebijêrkan xalî nîn in: An tu dê bibêjî ku di wî zatê qudsî de nezereke wisan tûj û dehayeke fireh heye û xwedî çavekî wisane ku pê, rabirdû û ayendeyê û hemû dinyayê dibîne, pê dizane û li etrafê alemê, li şerq û xerbê temaşe dike û dehayeke wî ya wisan heye ku pê, hemû zemanên rabirdû û ayendeyê keşif dike. Herçî ev hal e, nabe ku di beşerî de hebe; eger hebe, ew jî mewhîbeyek û nuwazeyek ku ji aliyê Xaliqê alemê ve hatiye dayin. Îca herçî ku ev e jî, bi tena serê xwe, mucîzeyeke e‘izem e. Yan jî tu dê bawer bikî ku ew zatê mubarek, memûr û şakirdê Zatekî wisan e ku her tişt li ber nezer û teserrûfa wî ye. û hemû new‘ên kaînatê û hemû dem, di bin fermanê Wî de ne. Di deftera Wî ya kebîr de, her tişt nivîsandî ye; gava kengê bixwaze, ji telebeyê xwe re radigihîne û nîşan dide. Nexwe, Muhemmedê Erebî Eleyhisselatu Wesselam, ji Ustadê xwe yê Ezelî ders digre, wisan ders dide.
Hem bi neqla sehîh, gava ku Hezretî Xalid, ji bo herbê, dişîne ba reîsê Dûmet-ul Cendelê ku Uqeydîr e, ferman kiriye:
اِنَّكَ تَجِدُهُ يَصِيدُ الْبَقَرَ
gotiye ku tu dê wî li nêçîra Beqerê Wehşî bibînî, bêyî pevçûnê wî dîl bigrî. Hezretî Xalid çûye, eynî wisan dîtiye, dîl girtiye aniye.
Hem bi neqla sehîh li ser rûpelê ku Qureyşiyan, li dij Benî Haşimiyan nivîsandibû û li seqfa Ke’beyê daleqandibû, ferman kiriye: “Bizûz nivîsên wan xwarine, tenê têkilî esmayê îlahî yê li ser rûpelê nebûne.” Bi vî awayî agahî daye, peyre mêze kirine, eynî wisan bûye. 1
Hem bi neqla sehîh ferman kiribû: “Dê di fetha Beyt-ul Meqdîsê de, webayeke mezin derkeve.” 2 Di hiyama Hezretî Emer de, Beyt-ul Meqdîs hat fetihkirin. Û webayeke wisan derket ku di sê rojan de, heftê hezar wefat qewimîn. 3
