Ebû Bekirê Siddîq de nutûq gotiye. Hetta kelîmeyên her du xutbeyan di dirûvê hev de ne.

   Hem ji Sureqe re ferman kiriye gotiye

كَيْفَ بِكَ اِذَا اُلْبِسْتَ سُوَارَىْ كِسْرٰى

 ango “ Tu dê du bazinên Kîsra li xwe bikî.” Zemanê Hezretî Emer, Kîsra hat mehûkirin; zînetên wî, bazinên wî yên şahane hatin, Hezretî Emer, li Sureqe da kirin. Got:

اَلْحَمْدُ لِلّٰهِ الَّذِى سَلَبَهُمَا كِسْرٰى وَاَلْبَسَهُمَا سُرَاقَةَ

û îxbara Nebewî da tesdîqkirin.

   Hem ferman kiriye ku

اِذَا ذَهَبَ كِسْرٰى فَلاَ كِسْرٰى بَعْدَهُ

 gotiye “Piştî ku Kîsrayê Fars biçe, êdî dê Kîsra dernekevin.” Agahî daye hem wisan bûye.

   Hem ji qasidê Kîsrayî re gotiye: “A niha kurê Kîsra, Şîrwiye Perwîz, Kîsra kuşt.” Wî qasidî tehqîq kiriye, di heman gavê de, eynî wisan bûye. Ew jî bûye Îslam. Di hin hedîsan de navê wî qasidî, Fîrûz e. ¹

   Hem bi neqla sehîh a qet-î, ragihandiye ku Xatib Ibnî Beltea, bi dizî name ji Qureyşiyan re şandiye. Hezretî Elî û Miqdad şandiye. “Li filan mewqiyî, bi şexsekî re nameyeke weha heye; bigrin bînin.” Çûn, ji heman ciyî heman name girtin anîn. Xatib celb kir. Gotiye “Te çima kir?” Wî jî uzr beyan kiriye, uzrê wî qebûl kiriye. ²

   Hem bi neqla sehîh a qet-î, di derbarê Utbe Ibnî Leheb de ferman kiriye,

يَاْكُلُهُ كَلْبُ اللّٰهِ

 gotiye, aqûbeta facîeyî ya Utbe ragihandiye. Peyre wextê ku diçe aliyê Yemenê, şêrek hatiye ew xwariye.